کوئٹہ، سریاب کے علاقے میں فائرنگ سے لیویز اہلکار ہلاک

کوئٹہ ( ہمگام نیوز ) سریاب کے علاقے میں گائی خان چوک کے قریب نامعلوم افراد نے لیویز اہلکا ر کو فائرنگ کرکے قتل کردیا ۔ تفصیلات کے مطابق اتوار کے روز گائی خان چوک کے قریب لیویز اہلکار خادم حسین کو جو موٹرسائیکل پر آرہا تھا نامعلوم افراد نے فائرنگ کرکے قتل کردیا ملزمان موقع سے فرار ہوگئے پولیس نے لاش قبضے میں لے کر ہسپتال پہنچا دی جہاں پر ضروری کارروائی کے بعد لاش ورثا کے حوالے کردی گئی پولیس نے جائے وقوع سے دو خول برآمد کرکے نامعلوم ملزمان کے خلاف تحقیقات شروع کردی پولیس نے خادم حسین کا شناختی کارڈ نقدی اور دیگر کاغذات قبضے میںلے کر تحقیقات شروع کردی ۔