اسلام آباد(ہمگام نیوز) مانیٹرنگ نیوز ڈیسک رپورٹ کے مطابق اسلام آباد ائیرپورٹ پر ہوائی فائرنگ کے باعث طیارے نے ہنگامی لینڈنگ کی ہے جبکہ ملزمان کو گرفتار کر لیا گیا ہے۔اس حوالے سے میڈیا رپورٹس میں بتایا گیا ہے کہ کوئٹہ سے اسلام آباد جانے والی پرواز کے طیارے پر مبینہ فائرنگ کا واقعہ پیش آیا ہے۔اس حوالے سے ذرائع کا کہنا ہے کہ پی آئی اے کی پرواز پی کے 352 پر فائرنگ کا واقعہ اسلام آباد ایئر پورٹ لینڈنگ کے وقت پیش آیا۔
واقعہ رات 10 بجے پیش آیا ، مذکورہ طیارہ فائرنگ رینج سے باہر ہونے کے باعث محفوظ رہا۔کنٹرول ٹاور کی اطلاع دیے جانے کے بعد پرواز کو دوسرے رن وے پر لینڈ کروایا گیا۔طیارے نے بحفاظت لینڈنگ کرلی۔ مسافر اور طیارے کی بحفاظت لینڈنگ کے فوری بعد معاملے کی تحقیقات کا آغاز کردیا گیا ہے. واضح رہے پی آئی اے کی پروازوں کے ساتھ آئے روز اکثروبیشتر حادثات خطرناک حادثات پیش آتے رہتے ہیں۔ گذشتہ سال بھی پاکستان انٹرنیشنل ائیر لائنز کی کراچی سے جانے والی پرواز کو پنجگور ائیرپورٹ پر حادثہ پیش آیا تھا اور طیارہ رن وے سے اتر کر کچی زمین پر پہنچ گیا۔ کراچی سے جانےو الی پی آئی اے کی پرواز پی کے 517 نے جیسے پنجگور ائیرپورٹ پر لینڈ کیا تو طیارہ رن وے سے بے قابو ہو کر کچی زمین پر اتر گیا۔
جس کے نتیجے میں جہاز کا ایک ٹائر پھٹ گیا۔ مالی مشکلات کے شکار مسائل میں گھری ہوئی پاکستانئ ائیرلائن کی کسی پرواز کے ساتھ اس قسم کا حادثہ پہلی بار پیش نہیں آیا بلکہ پی آئی اے کی متعدد پروازیں حادثات کا شکار ہوتی رہتی ہیں۔ دسمبر 2016میں چترال سے اسلام آباد آنے والا پی آئی اے کا طیارہ حویلیاں کے قریب حادثے کا شکار ہوا تھا۔
جس کے نتیجے میں عملے سمیت طیارے میں سوار 47 افراد جاں بحق ہوئے تھے۔جن میں معروف نعت خواں جنید جمشید بھی شامل تھے۔اندرون و بیرون ممالک کے بیشتر مسافر پی آئی اے کی غیر مطمئن سفر اور خراب سروس کی وجہ سے اکثر اوقات ان کے ساتھ سفر کرنے سے ہچکچاتے ہیں۔
اسلام آباد ایئر پورٹ پر مسلح افراد کی ہوائی فائرنگ کے باعث طیارے کی ہنگامی لینڈنگ، ملزمان گرفتار
