واشنگٹن(ہمگام نیوزڈیسک) ہمگام نیوز کی مانیٹرنگ ڈیسک رپورٹ کے مطابق امریکا کی فیڈرل ایویشن ایڈمنسٹریشن (FAA) نے نوٹس ٹو ایئر مین (این او ٹیم اے ایم) میں تمام امریکی رجسٹرڈ ایئرلائنز کو خلیج عمان اور خلیج فارس کے فضائی راستوں سے پروازیں معطل کرنے کی ہدایت جاری کردی۔واضع رہے گزشتہ روز ایران کی جانب سے سرحدی حدود کی خلاف ورزی کے الزام پر امریکی جاسوس ڈرون گرانے کے بعد واشنگٹن نے دنیا کی معروف ایئرلائنز بریٹش ایئرویز، قنٹس ایئرلائنز سمیت سنگاپور ایئرلائن کو آبنائے ہرمز کے لیے پروازوں سے روک دیا ہیں ۔خیال رہے کہ آبنائے ہرمز، خلیج اومان اور خلیج فارس کے درمیان واقع ایک اہم بحری راستہ ہے۔اس کے شمالی ساحلوں پر ایران اور جنوبی ساحلوں پر متحدہ عرب امارات، اومان و ساحل بلوچستان کے قریب واقع یہ آبنائے کم از کم 21 میل چوڑی ہے۔امریکا کی جانب سے مذکورہ اقدام پابندی کے باعث لاکھوں مسافر متاثر ہوں گے۔ ایف اے اے کے اعلامیہ میں کہا گیا کہ متاثرہ خطے میں عسکری سرگرمیوں اور سیاسی تناؤ کے باعث کمرشل فلائٹس کی پروازوں کو سخت خطرہ لاحق درپیش ہے۔
ایف اے اے کے نوٹس واضح کیا گیا کہ امریکا سے رجسٹرڈ ایئرلائن اور امریکی ایئرلائنز پر آبنائے ہرمز کا فضائی راستہ اختیار کرنے پر پابندی ہوگی.
