واشنگٹن(ہمگام نیوز ڈیسک) امریکی صدر ڈونلڈ ٹرمپ کی انتظامیہ اور کانگریس میں ان کے اتحادیوں کی طرف سے اخوان المسلمون کو عالمی دہشتگرد تنظیم قرار دینے کے اعلان کو حتمی شکل دی جا رہی ہے۔
امریکہ میں اخوان المسلمون کوعالمی دہشت گرد تنظیم قرار دینے کی کوششیں کئی سال سے جاری ہیں۔ امریکا اخوان اور اس کے ساتھ منسلک دیگر اداروں، شخصیات اور تنظیموں کے معاشی وسائل بند کرنے کے لیے قانون سازی کے لیے کوشاں ہے۔
امریکی اخبار ‘Washington Free Beacon’ کے مطابق امریکی کانگریس میں صدر ٹرمپ اور ان کے اتحادیوں کی جانب سے رُکن کانگریس ایڈم کریڈو کی تحقیق کی روشنی میں اخوان المسلمون کو عالمی دہشتگرد گروپ قرار دینے کی کوششوں کو حتمی شکل دی جا رہی ہے۔
ٹرمپ انتظامیہ کے سینیر عہدیداروں کی جانب سے رواں ہفتے Free Beacon کو بتایا گیا تھا کہ اخوان المسلمون جماعت امریکا کی سلامتی کے خطرے کا موجب بن سکتی ہے۔ اسی خدشے کے پیش نظر اخوان المسلمون کو عالمی دہشت گرد تنظیم قرار دینے کی کوششیں جاری ہیں۔
ایران اور حزب اللہ
امریکی سینٹر ٹیڈ کروز نے اخوان المسلمون کو دہشت گرد تنظیم قرار دینے کی کوششوں کے بارے میں بات چیت کرتے ہوئے کہا کہ کانگریس میں اخوان المسلمون کو دہشتگرد تنظیم قرار دینے کی کوششیں تیز کر دی گئی ہیں۔ ان کا کہنا تھا کہ اخوان المسلمون کی سرگرمیوں کے حوالے سے کی جانے والی تحقیق میں جماعت اور اس کی قیادت کو دہشتگردی کی سرگرمیوں میں ملوث پایا گیا ہے۔
ذرائع کا کہنا ہے کہ کانگریس میں ہونے والی قانون سازی ٹرمپ انتظامیہ کے لیے اخوان المسلمون کو دہشتگرد تنظیم قرار دینے کی راہ ہموار کرے گی۔
ان کا کہنا تھا کہ اخوان المسلمون کو دہشتگرد تنظیم قراردینے کی کوششیں دہشتگردوں کی پشت پناہی کرنے والے ایران جیسے ملکوں اور حزب اللہ جیسی تنظیموں کے خلاف کارروائی کا حصہ ہے۔
دہشتگردوں سے کوئی نرمی نہیں
حال ہی میں امریکی انتظامیہ نے ایران کے سپاہ پاسداران انقلاب کو دہشتگرد تنظیم قرار دیا۔ اس میں پاسداران انقلاب کے سمندر پار آپریشنل یونٹ فیلق القدس بھی شامل ہے۔ اب اگلے مرحلے میں اخوان المسلمون کو دہشتگرد تنظیم قرار دیا جا رہا ہے۔
ایک سینیر امریکی عہدیدار نے اپنے بیان میں کہا کہ صدر ٹرمپ کی پہلی ترجیح امریکیوں کے جان ومال کا تحفظ یقینی بنانا ہے۔ وہ کسی بھی۔ قسم کے دہشتگردی کو سنجیدگی سے لیتے ہیں۔ انہوں نے جرات کا مظاہرہ کرتے ہوئے ایران کے پاسداران انقلاب کو بھی دہشت گرد تنظیم قرار دے دیا ہے۔
امریکہ نے پاسداران انقلاب کے بعد اخوان المسلمون کو دہشت گرد تنظیم قرار دینے کا فیصلہ حتمی مراحل میں داخل
