امریکی اور ایرانی وزیر خارجہ کے جنیوا میں مذاکرات

امریکی وزیر خارجہ جان کیری آج اتوار کے روز اپنے ایرانی ہم منصب جواد ظریف کے ساتھ ملاقات میں جوہری پروگرام پر جاری مذاکراتی عمل میں مشکلات کو کم کرنے کی کوشش کریں گے۔ کیری اور ظریف کے درمیان ملاقاتوں کا یہ سلسلہ دو روز پر محیط ہے۔ عالمی طاقتیں ایران کے ساتھ جوہری پروگرام کے حوالے سے بات چیت کا سلسلہ جاری رکھے ہوئے ہیں۔ ڈیل کے لیے ابتدائی فریم ورک کو طے کرنے کی حد 31 مارچ مقرر ہے۔ لندن میں جان کیری نے میڈیا سے گفتگو کرتے ہوئے کہا کہ ابھی ڈیل کے لیے بہت سارا سفر باقی ہے۔ انہوں نے مشکل معاملات پر اختلافات کی تصدیق بھی کی ہے۔ ایرانی اور امریکی وزرائے خارجہ جنیوا میں چند ہفتے قبل بھی ملاقات کر چکے ہیں۔