کوئٹہ( ہمگام نیوز) کچھی کے علاقے سنی میں دو گروہوں میں فائرنگ کا تبادلہ دو افراد جاں بحق دو زخمی علاقے میں کشیدگی۔تفصیلات کے مطابق سب تحصیل کھٹن کے علاقے دلدارمیں نامعلوم افراد نے ایک گھر سے مال مویشی چوری کرکے لے گئے واقعہ کے بعد مالک مکان اور ایک گروہ رندات کے پیچھے روانہ ہوئے اور ضلع کچھی کے تحصیل سنی کے علاقے احمد شاہ ڈھورا میں دوسرے گروہ کے مسلح افراد سے انکا آمنا سامنا ہوا اور اس دوران دونوں جانب سے خودکار ہتھیاروں سے ایک دوسرے پر شدید فائرنگ کا تبادلہ شروع ہوا جس کے نتیجے میں ایک گروہ کے جلال خان ولد گاجی خان اور سومر خان ولد خوشحال خان گولیاں لگنے سے موقع پر جاں بحق جبکہ جمعہ خان ولد نور محمد اور محمد بخش نامی اشخاص زخمی ہوگئے واقعہ کی اطلاع پاکر بولان لیویز نے فوری طور پر جنگ بندی قرادی اور نعشوں کو ضروری کاروائی کے بعد وثاء کے حوالے کردی
کوئٹہ کے نواحی علاقے سریاب میں گیس لیکج کے باعث دھماکہ گھر میں موجود 5افراد شدید زخمی ۔ تفصیلات کے مطابق اتوار کو سریاب کے علاقے کلی حبیب فیض آباد میں گیس لیکج کے باعث گھر میں دھماکہ ہوا جس کے نتیجے میں گھر میں موجود 5افراد شدید زخمی ہوگئے جنہیں فوری طورپر بی ایم سی ہسپتال پہنچا دیا گیا ہرنائی میں کوئلے کی کان دب جانے سے 2 کانکن جاں بحق ہو گئے لاشوں کو ضروری کا رروائی کے بعد ورثاء کے حوالے کر دیا گیا اطلاعات کے مطابق ہرنائی کے علاقے تور غر میں کوئلے کے کان میں 2 مزدورمحمد سلیم اور ندا محمد دب گئے تھے کئی گھنٹے بعد مردہ حالت میں نکالے گئے لاشوں کو ضروری کا رروائی کے بعد ورثاء کے حوالے کر دیا گیا مزید کا رروائی کی جا رہی ہے۔
نصیرآباد میں مسلح افراد کی فائرنگ سے دو افراد جاں بحق ہو گئے اطلاعات کے مطابق نصیرآباد کے علاقے میں مسلح افراد نے فائرنگ کر کے دو افراد کو قتل کر دیا لاشوں کو ضروری کا رروائی کے بعد ورثاء کے حوالے کر دیا گیا مزید کا رروائی کی جا رہی ہے۔
ڈیرہ بگٹی کے محلہ زانکو میں کرنٹ لگنے کے باعث خاتون جان بحق ہو گئی پولیس کے مطابق محلہ زانکو میں علی حسن نامی شخص کے گھر سے اوپر گزرنے والی تار اچانک ٹوٹ کر گھر کے احاطے میں گرگئی جس کے باعث گھر میں موجود مسمات (م) زوجہ علی حسن ڈومب موقع پر ہی جان بحق ہوگئیں
کوئٹہ پولیس کو دوران گشت کچہری کورٹ کے قریب سے ایک شخص کی لاش ملی ۔ تفصیلات کے مطابق اتوار کو پولیس کو دوران گشت کچہری کورٹ کے قریب سے ایک شخص کی لاش ملی جسے قبضے میں لیکر ہسپتال پہنچا یا جہاں پر لاش کی شناخت عبدالرحیم ولد عبدالرحمان کے نام سے ہوئی پولیس نے لاش ضروری کارروائی کے بعد ورثاء کے حوالے کردی مزید کارروائی پولیس کر رہی ہے ۔
چمن پولیس نے 12سالہ لڑکے کی نعش برآمد کرلی یہاں آمدہ اطلاعات کے مطابق گزشتہ روز چمن کے علاقے بی ایریا بائی پا س سے پولیس کو بارہ سالہ لڑکے کی نعش ملی نعش کو ہسپتال منتقل کردیاگیا جہاں پر اسکی شناخت اللہ نور کے نام سے اسکے بھائی رحمت اللہ نے کی نعش ضروری کارروائی کے بعد ورثاء کے حوالے کردی گئی مزید کارروائی چمن پولیس کررہی ہے
