تربت (ہمگام نیوز) آمدہ اطلاعات کے مطابق مقبوضہ بلوچستان شہر تربت میں کرولا گاڑی حادثے کا شکار ہوگئی جس سے دو افراد زخمی ہوگئے۔
تفصیلات کے مطابق تربت ایم 8 شاہراہ پر لوڈی جنگجاہ کے قریب ایک کرولا گاڑی حادثے کا شکار ہوگئی، حادثے میں دو افراد زخمی ہوگئے۔
زخمی افراد کی شناخت راز محمد ولد خیال محمد اور تاج محمد ولد پائند خان کے نام سے ہوئی ہے، دونوں افراد کا تعلق کچلاک کوئٹہ سے ہے جو آپس میں چچا و بھتیجا بتائے جارہے ہیں۔
دونوں زخمی افراد کو تربت ٹیچنگ ہسپتال منتقل کردیا گیا ہے، جہاں وہ زیر علاج ہیں، تاہم ابھی دونوں افراد کی حالت خطرے سے باہر بتائی جارہی ہے۔
