خاران (ہمگام نیوز) اطلاعات کے مطابق مقبوضہ بلوچستان کے علاقے خاران شہر میں ایک سنوکر کلب پر دستی بم سے حملہ ہوا ہے۔
تفصیلات کے مطابق یہ افسوسناک واقعہ آج شام کے وقت خاران شہر میں ایم سی بی بینک کے قریب واقع ایک سنوکر کلب پر ہوا ہے۔
تاہم ذرائع کے مطابق دھماکے کے نتیجے میں خوش قسمتی سے کوئی جانی و مالی نقصان نہیں پہنچا ہے۔
واضح رہے کہ خاران شہر میں اس سے قبل بھی دو مختلف مقامات پر واقع سنوکر کلبوں پر حملے ہوچکے ہیں، یہ تیسرا واقعہ ہے، اس متعلق عام طور پر یہی خیال کیا جاتا رہا ہے کہ ان حملوں کا تانہ بانہ پاکستانی فوج اور ایجنسیوں سے جڑا ہے۔
