خاران ( ہمگام نیوز) اطلاعات کے مطابق خاران میں بلوچ ویمن فورم کے زیر اہتمام شہید بانک کریمہ بلوچ کی پہلی برسی کے موقع پر قاسم چوک تا خاران پریس کلب ریلی نکالی گئی اور یادگاری ریفرنس منعقد کیا گیا۔
ریلی میں بلوچ ویمن فورم کی کارکنان، خواتین و بچوں سمیت مختلف مکاتب فکر سے جڑے لوگوں نے شرکت کیا۔ شرکاء نے ہاتھوں میں شہید بانک کریمہ بلوچ کے نام کے بینرز اور پلے کارڈز اٹھائے ہوئے تھے۔ جبکہ پریس کلب میں پہنچ کر شرکاء نے شہید کی یاد میں شمعیں روشن کیئے۔
واضح رہے کہ بلوچ رہشون شہید بانک کریمہ بلوچ کی لاش گزشتہ سال 21 دسمبر 2020 کو کینڈا کے ایک ندی میں دریافت ہوئی تھی جنہیں پر اسرار طور پر قتل کر دیا گیا تھا ـ
