تفتان(ہمگام نیوز)مقبوضہ بلوچستان کے علاقے تفتان اور بیسیمہ میں دو الگ الگ حادثات میں 1 شخص جاں بحق اور 17 کے قریب زخمی ہوگئے۔
تفصیلات کے مطابق تفتان سے نوکنڈی آنیوالی گاڑیوں میں تصادم کے نتیجے میں ایک شخص جاں بحق جبکہ 15 افراد شدید زخمی ہوگئے۔
حادثہ پیر کی صبح تفتان کے قریب کوہ دلیل کے مقام پر پیش آیا جس میں دو ویگن گاڑیوں کے درمیان تصادم ہوا جس کے نتیجے میں ایک شخص جاں بحق اور 15 افراد زخمی ہوگئے۔ جاں بحق شحض کی شناخت امین اللہ ولد حاجی شمس الدین کے نام سے ہوئی ہے۔
گاڑیوں کے تصادم کے بعد زخمیوں کو فوراً طبی امداد کے لیے نوکنڈی ہپستال منتقل کردیا گیا۔ زخمیوں میں 2خواتین، 6بچے اور 7مرد شامل ہیں ۔
دوسرا حادثے میں مقبوضہ بلوچستان کے علاقے بسیمہ میں پیش آیا جس میں گاڑی کی ٹکر سے موٹر سائیکل پر سوار باپ اور بیٹا شدید زخمی ہوگئے۔
تفصیلات کے مطابق سڑک حادثے میں زخمی باپ اور بیٹا گھر سے بازار جا رہے تھے اور راستے میں وہ حادثے کا شکار ہوگئے جس کے نتیجے میں دونوں زخمی ہوگئے۔
