سوراب (یمگام نیوز) تین گاڑیاں آپس میں ٹکرانے کے باعث ایک شخص جان بحق جبکہ 3 خواتین سمیت 13 افراد زخمی ہوگئے۔
تفصیلات کے مطابق خضدار سے کوئٹہ جانے والی ویگن ٹو ڈی کار اور ٹرالر حاجیکہ گرگٹ کراس کے مقام پر آپس میں ٹکراگئیں جس کے نتیجے میں ایک شخص جاں بحق جبکہ تین خواتین سمیت 13 افراد زخمی ہوگئے۔
زخمی افراد میں سے تین کی حالت نازک بتائی جارہی ہے۔
زخمیوں کو فوری طور پر ڈسٹرکٹ ہیڈ کوارٹر اسپتال سوراب منتقل کر دیا گیا ہے جہاں ایم ایس، پیرامیڈیکس اسٹاف کے ہمراہ زخمیوں کو ابتدائی طبی امداد دینے میں مصروف،جبکہ زخمیوں کو ریفر کرنے کے لئے محکمہ صحت کے ایمبولینسز بھی الرٹ رکھے گئے ہیں۔
