ہمگام نیوز
بلوچ وطن موومنٹ بلوچستان انڈیپینڈنس موومنٹ اوربلوچ گہار موومنٹ پر مشتمل الائنس بلوچ سالویشن فرنٹ کے مرکزی ترجمان نے شہید رحمت شاہین کو جدوجہد میں بے لوث اور غیر معمولی قربانیوں پر خراج تحسین پیش کرتے ہوئے کہاہے کہ بلوچ فرزندوں کی سلسلہ وار شہادتوں سے جہد آذادی کی مضبوط پلرز کو کمزور نہیں کیا جاسکتا شہداء کی قربا نیوں سے بلوچ عوام کو حوصلہ ملا ہے بلوچ عوام نہ صرف بلوچستان میں بلکہ بلوچستان سے باہر پوری دنیا میں اپنی آزادی کے لئے سراپا احتجاج ہے جہد آزادی اور شہداء کی قربانیوں سے دنیا بھر میں مقیم بلوچ یکسوئی کے ساتھ عالمی برادری کو بلوچستان میں انسانی حقوق کی خلاف ورزیوں اور بلوچ قومی مسئلہ کے حوالہ سے آگاہ کررہے ہیں جو قومی آزادی کی جدوجہد میں ایک سنگ میل ہے ترجمان نے کہاکہ شہید رحمت بلوچ سے لے کر اب تک قومی آزادی کے لئے جان قربان کرنے والے بلوچ فرزندوں کا واحدقصور یہ تھا کہ وہ اپنی پیدائشی حق آزادی کا مطالبہ کررہے تھے آزادی کی اصولی موقف پر کمپرومائز نہ کرنے کی صورت میں انہیں شہید کیا گیا جمہوریت کے دعوے کرنے والے قوتوں نے جمہوری و سیاسی جدوجہد پر کاربند بلوچ سکلڈز کو شہید کیا گیا شہید ایک سرگرم جہد کار اور پختہ کیڈر کے طور پرانتہائی ثابت قدم جہد کارکے طور پر ابھر ے جن کا اوڑھنا بچھونا سیاست تھا شہید ایک پر امن و جمہوری تنظیم بلوچ وطن موومنٹ کے ممبر اور ایک قلم کار اور دانشور تھے جو اپنے قلم سے بلوچ قوم کی رہنمائی کا فریضہ انجام دے رہے تھے لیکن انہیں آزادی کی جدوجہد میں قلمی و سیاسی انداز میں برداشت نہیں کیا گیا گوکہ آج وہ ہمارے درمیان نہیں لیکن ان کی فکر وفلسفہ اورنظریات اثاثہ ہے وہ لمحہ بہ لمحہ بلوچ قوم کی رہنمائی کرتے رہیں گے ترجمان نے کہاہے کہ بلوچ قومی تاریخ میں شہیدوں کی ایک طویل فہرست اور خون آلود تاریخ موجود ہے لیکن جدوجہدر کا نہیں بلکہ تسلسل کے ساتھ برابر جاری ہے ترجمان نے کہاکہ بلوچ قوم کالونیل سسٹم کے خلاف ہے بلوچ نیشنلزم کالونیلزم کا رد ہے دنیا کے تمام طاقتور قوتوں کے لئے بلوچ نیشنلزم نوشتہ دیوار ہے کہ بلوچ قوم نوآبادیاتی نظام کو نہیں مانتا آزادی کی جدوجہد نہ صرف بلوچ قوم کی سیاسی مستقبل تشخص شناخت اور وقار کے لئے بلکہ نوآبادیاتی نظام کے خلاف ایک چیلنج ہے انگریز چلا گیا لیکن بعد میں ریاست اسی نظام کو تسلسل دے کر بلوچ سرزمین پر تسلط قائم کی جبری الحاق ایک دردناک زخم اور غلامی کی سیاہ تاریخ کا ایک حصہ ہے ہے بلوچ قوم اس درد کو بھلا نہیں کیا جاسکتا غلامی غلامی ہے چاہے طاقت کے ساتھ ساتھ اسے جمہوری اور عوام دوست بناکر پیش کیا جائے بلوچ قوم مطمئن نہیں ہوسکتا بلوچ قوم آج پوری دنیا کو اپنا احتجاج ریکارڈ کرارا رہاہے عالمی ضمیر کو جنجھوڑتے ہوئے تمام سیاسی زرائع کو لے کر جدوجہد کررہی ہے اگر بلوچ قوم کی آواز اور توجہ مبذول کرانے کی احتجاجی عمل کو سبوتاژ کیا گیا تو بلوچ قومی بے چینی میں اضافہ ہوگا ترجمان نے کہاکہ شہداء کے پاک خون اور قربانیوں نے بلوچ قوم کو آزاد ی کا شعور دیکر مفادپرست داشتاؤں کے غلامانہ زہنیت کو مسترد کرچکاہے شہداء کی قربانیوں نے آزادی کے راستہ میں آنے والی تمام رکاوٹوں کو دور کرکے بلوچ قومی تحریک کے لئے طاقت اور توانائی کا سبب بن کر بلوچ وت واجہی کو ناگزیر کردیا ہے
شہید رحمت شاہین کو خراج تحسین پیش کرتے ہیں:بی ایس ایف
