Homeخبریںعوام دشمن قوتوں کو بلوچ عوام کا نمائندہ ظاہر کیا جا رہا...

عوام دشمن قوتوں کو بلوچ عوام کا نمائندہ ظاہر کیا جا رہا ہے، بلوچ نیشنل فرنٹ

کوئٹہ (ہمگام نیوز) بلوچ نیشنل فرنٹ کے ترجمان نے گزشتہ روز آواران میں فورسز کے دورہ کو جاری آپریشنوں میں شدت لانے کا نیا منصوبہ قرار دیتے ہوئے کہا حالیہ دورہ آواران، مشکے و ملحقہ علاقوں میں جاری آپریشن میں شدت لانے کا ایک نیا منصوبہ ہے۔ترجمان نے کہا کہ بلوچستان بھر کی طرح آواران میں بھی کئی عرصوں سے آپریشن جاری ہے۔ اس آپریشن کے بعد بڑی تعداد میں نہتے لوگوں کو ہلاک و زخمی اور اغواء کے بعد قتل کیا جا چکا ہے۔فورسزکے دورے کے بعد مشکے سے فورسزنے تین بلوچ فرزندان کو قتل کرنے کی ان کی مسخ شدہ لاشیں مقامی انتظامیہ کے حوالے کیں۔انہوں نے کہا کہ طاقت کے بے دریغ استعمال کے باوجود بلوچ عوام کا آزادی کی تحریک سے وابستگی فورسز کے لئے بوکھلاہٹ کا باعث بنا ہوا ہے، اس لئے طاقت کے استعمال کے ساتھ ساتھ اپنے سرداروں و دیگر عوام دشمن قوتوں کو یکجا کر کے میڈیا میں انہیں بلوچ عوام کانمائندہ ظاہر کیا جا رہا ہے تاکہ نہتے عوام کی قتل عام کو چھپایاجا سکے۔ انہوں نے کہا کہ بلوچستان تاریخی حوالے سے پاکستان کا نہ کبھی حصہ رہا ہے اور نہ ہی بلوچ اپنی آزادی سے دستبردار ہوکر پاکستانی غلامی میں اپنی ہزاروں سالہ تاریخ، زبان ، ثقافت و آنیوالے نسلوں کی قربانی دے سکتے ہیں۔ آزادی کے لئے جاری جدوجہد بلوچ عوام کے جذبات کا اجتماعی اظہار ہے جسے طاقت جھوٹ و فریب اور طاقت کے استعمال سے روک نہیں سکتی۔ترجمان نے سیکرٹری داخلہ اکبر حسین درانی کے بیان پر ردعمل کا اظہار کرتے ہوئے کہا نمائندے علی الاعلان بلوچستان میں فورسزکے ذریعے امن و امان بحال کرنے کے نام پر اپنے خطرناک عزائم کا اظہار کررہے ہیں۔ بی این ایف کے ترجمان نے کہا کہ بلوچستان میں امن و امان کا کوئی مسئلہ نہیں بلکہ ریاست کے خلاف آزادی کی جدوجہد چل رہی ہے؛ جسے کچلنے کیلئے فورسز نہتے عوام، سیاسی کارکنوں و رہنماؤں سمیت ہر طبقے کے لوگوں کو قتل و اغوا کر رہے ہیں۔ آزادی حاصل کیے بغیر بلوچ عوام اس جدوجہد سے کسی طور دستبردار نہیں ہو سکتے۔بی این ایف نے کہا کہ گوادر میں پہلے سے ہزاروں فورسزاہلکاروں کی موجودگی اور نئے دستوں کے بھیجنے کا اعلان بلوچستان میں قتل عام و نسل کشی کی کاروائیوں میں شدت لانے کے لئے ہیں۔ ان غیر قانونی سرمایہ کا ریوں کو کامیاب بنانے کے لئے مقامی بلوچ آبادیوں کو طاقت کے استعمال اور ان پر زندگی گزارنے کے تمام ذرائع محدود کرنے انہیں نقل مکانی پر مجبور کررہے ہیں۔فورسز چائنا کی سرمایہ کاری کو تحفظ فراہم کرنے اور اپنی گرفت کو برقرار رکھنے کے لئے پہلے سے ہی نہتے بلوچ عوام کے قتل عام میں مصروف ہیں۔کوئٹہ کے بلوچ علاقوں میں دو ہفتے سے جاری آپریشن میں سو سے زائد بلوچوں کو اغوا کرکے لاپتہ کیا گیا ہے، جس کا اعتراف خود نمائندے کرچکے ہیں، مگر کسی کا نام میڈیا میں ظاہر نہیں کیا جا رہا۔انسانی حقوق کے عالمی اداروں بشمول ایمنسٹی انٹرنیشنل کی خاموشی ان کاروائیوں کو جاری رکھنے کا سبب بن رہی ہے۔ بی این ایف کے ترجمان نے زور دیتے ہوئے کہا کہ اگر انسانی حقوق کی خلاف ورزیوں اور جنگی جرائم پر نظر رکھنے والے اداروں نے بلوچستان میں عوام کے خلاف ہونے والی ان کاروائیوں کا نوٹس نہ لیا تو فورسز طاقت کو بلوچ عوام پر استعمال کرکے مزید ہزاروں لوگوں کو قتل و لاپتہ کریں گے۔

یہ بھی پڑھیں

عوام دشمن قوتوں کو بلوچ عوام کا نمائندہ ظاہر کیا جا رہا ہے، بلوچ نیشنل فرنٹ

وڈھ دراکھالہ قابض فورسز کی فوج کشی جاری ایک شخص کو قتل کردیا

ایرانشہر ، ایک بلوچ قیدی کو پھانسی دے دی گئی

ایرانشہر ایک بلوچ نوجوان کو پھانسی دے دی گئی

فیچرز

على الأمه البلوشيه في بلوشستان المحتله من قبل ايران الابتعاد عن الانتخابات الرئاسية الإيرانية و تأكيد ان لا علاقة لهم باي شكل من الاشكال...

عدم مشاركة البلوش في الانتخابات الإيرانية علامة إيجابية، يجب مقاطعة المرحلة الثانية من الانتخابات الإيرانية! حركة بلوشستان الحرة FBM

عملية Azam-e-Istehkam «عزم استحکام» هي خطة إرهابية لباكستان لتنفيذ الإبادة الجماعية للبلوش والبشتون، لحظة بلوشستان الحرة

انونیں جنگ دُنیایے دژمن ءُ بلوچ مھلوک ءِ پگر۔ سنگت اکبر داد بلوچ

Download Humgaam App