تربت (ہمگام نیوز) پاکستانی مقبوضہ بلوچستان کے شہر تربت سے ملنے والی اطلاعات کے مطابق قابض پاکستانی فورسز کے ساتھ جھڑپ میں جان سے جانے والے شہدائے سرزمین کی شناخت ہوگئی ہے۔
گزشتہ روز تربت میں قابض پاکستانی فورسز اور مسلح افراد کے درمیان شدید جھڑپ ہوئی تھی، جس کے نتیجے میں تین بلوچ جوان نمیران ہوئے تھے۔ ان شہیدوں کی شناخت نبیل احمد ولد رسول بخش ہوت، زکا اللہ سنگھور ولد علی سنگھور، اور فیروز عرف ساربان ولد اللہ بخش کے نام سے ہوئی ہیں۔
ذرائع کے مطابق نبیل احمد اور زکا اللہ سنگھور کا تعلق تربت کے علاقے گوگدان سے ہے، جبکہ فیروز آپسر ڈاکی بازار کا رہائشی تھا۔
ذرائع کے مطابق تینوں شہداء کی لاشیں تاحال قابض پاکستانی فورسز کی تحویل میں ہیں، اور فورسز نے لاشوں کو تاحال لواحقین کے حوالے نہیں کیا ہے۔
