کوئٹہ (ہمگام نیوز) بلوچ اسٹوڈنٹس آرگنائزیشن آزاد کے مرکزی ترجمان نے زیارت میں پہلے سے جبری طور پر گمشدہ افراد کو جعلی مقابلے میں نشانہ بنانےپر تشویش کا اظہار کرتے ہوئے کہا کہ گزشتہ کئی سالوں سے ریاست پاکستان بلوچستان سے جبری طور پر لاپتہ افراد کے حوالے سےمن گھڑت کہانیاں بناکر دنیا کو گمراہ کرنا کی کوشش کرتا آرہا ہے تو دوسری جانب اپنا غم و غصہ نکالنے کیلئے لاپتہ افراد کو جعلی مقابلوںمیں نشانہ بناکر بلوچ نسل کشی کا تسلسل بھی جاری رکھے ہوئے ہیں۔ گزشتہ دنوں سیکورٹی فورسز نے زیارت میں ایک جعلی مقابلےمیں پہلے سے لاپتہ افراد کو مار کر شہید کر دیا جو انتہائی تشویشناک امر ہے۔ واضح رہے کہ یہ پہلی دفعہ نہیں کہ پاکستانی فورسز کی جانبسے لاپتہ افراد کو نشانہ بنایا جا رہا ہے بلکہ اس سے پہلے بھی کئی مرتبہ ریاستی فورسز نے جعلی مقابلوں میں پہلے سے گمشدہ کیے گئے افرادکو نشانہ بنایاہے۔ گزشتہ سال ہی مستونگ اور مختلف علاقوں میں درجنوں افراد کو ایسے جعلی مقابلوں میں شہید کیا گیا تھا۔ زیارتمیں شہید کیے گئے 9 افراد میں سے اب تک ایک لاپتہ افراد کی شناخت شمس ساتکزئی کے نام سے ہوئی ہے جس کی شناخت خانداننے کرتے ہوئے کہا ہے کہ انہیں پانچ سال قبل لاپتہ کیا گیا تھا۔
ترجمان نے کہا یہ نوآبادیاتی جبر کی انتہاء ہے کہ معصوم اور بے گناہ افراد کو بنا کسی جرم کے محض بلوچ ہونے کی بنیاد پر اٹھایا جاتاہے پھر سالوں تک انہیں مختلف قسم کی اذیتیں دی جاتی ہیں جبکہ اس دوران لاپتہ افراد کے لواحقین کو بھی ذہنی اذیت کا نشانہ بنایاجاتا ہے۔ زیارت میں لاپتہ افراد کو جعلی مقابلے میں نشانے بنانے کے واقع پر انسانی حقوق کے دعویداروں کی خاموشی اس بات کاغماز ہے کہ وہ بلوچ لاپتہ افراد کے معاملے پر کتنا سنجیدہ ہیں۔
ترجمان نے بیان کے آخر میں انسانی حقوق کے اداروں اور دیگر ممالک سے بلوچستان میں پاکستانی فوج کی جانب سے بلوچ نسلکشی پر آواز اٹھانے کا مطالبہ کرتے ہوئے کہا کہ دنیا کے سیاسی طاقتوں اور عالمی اداروں کو بلوچ قوم کی نسل کشی پر پاکستان کوانصاف کے کٹہرے میں لا کھڑا کرنا چاہیے۔
