مستونگ (ہمگام نیوز) آمدہ اطلاعات کے مطابق مقبوضہ بلوچستان کے علاقے مستونگ میں پیش آنے والے روڑ حادثے کے نتیجے میں 2 افراد جاں بحق جبکہ 2 زخمی ہوگئے۔
تفصیلات کے مطابق گزشتہ روز مستونگ شاہراہ پر گنجہ ڈھوری کے علاقے میں ڈبل پل کے مقام پر دو موٹرسائیکلوں میں ٹکر کے نتیجے میں دو افراد جاں بحق جبکہ 2 زخمی ہوگئے۔
جاں بحق افراد میں محمد ندیم سکنہ ڈگاری دشت، دوست محمد سکنہ کلی تیری ریک جبکہ زخمیوں میں محمد اسماعیل اور محمد شعیب شامل ہیں۔
زخمیوں اور جاں بحق افراد کی لاشوں کو لکپاس ریسکیو سینٹر 1122 کے عملے نے شہید نواب غوث بخش رئیسانی ہسپتال منتقل کردیا جہاں ضروری کاروائی کے بعد لاشیں ورثاء کے حوالے کردی گئیں۔
