مولانا غفور حیدری کی گاڑی پر دھماکہ حملے میں زخمی

بلوچستان کے علاقے مستونگ میں سڑک کنارےبم دھماکے کے نتیجے میں10 افراد جاں بحق اورڈپٹی چیئرمین سینیٹ اور جے یو آئی کے رہمنا مولانا عبدالغفور حیدری زخمی ہوگئے۔ پولیس کے مطابق مستونگ میں مولانا عبدالغفورحیدری کےقافلے کے قریب دھماکاہوا، دھماکے میں مولاناعبدالغفورحیدری بھی زخمی ہوئے۔ پولیس کا کہنا ہے کہ زخمیوں کو سول اسپتال مستونگ منتقل کیاجارہاہے ۔ ڈپٹی چیئرمین سینیٹ مولانا عبدالغفور حیدری مدرسےمیں دستار بندی کی تقریب میں شرکت کے لیے گئےتھےاور تقریب میں شرکت کے بعد واپس آرہے تھے۔ دھماکے کے بعد مستونگ سول اسپتال میں ایمرجنسی نافذ کردی گئی ہے۔