مچھ (ہمگام نیوز) آمدہ اطلاعات کے مطابق مقبوضہ بلوچستان کے علاقے مچھ میں تیز رفتار گاڑی کھائی میں گرنے سے ایک شخص جاں بحق جبکہ 2 افراد زخمی ہوگئے۔
تفصیلات کے مطابق ریسکیو ذرائع کا کہنا ہے کہ گزشتہ روز مچھ میں تیز رفتار گاڑی کھائی میں گرنے سے نبی بخش ولد محمد شعبان نامی شخص جاں بحق جبکہ ممتاز حسین ولد محمد بخش اور یاسر حسین ولد محمد شعبان زخمی ہوگئے۔
زخمی افراد کو طبی امداد کیلئے فوری طور پر ہسپتال منتقل کردیا گیا جہاں نعش کو ضابطے کی کارروائی کے بعد ورثاء کے حوالے کردی گئی جبکہ زخمیوں کو طبی امداد دی جارہی ہے ۔
