نوشکی (ہمگام نیوز) مقبوضہ بلوچستان کے علاقےنوشکی گزنلی کراس پر نامعلوم مسلح موٹرسائیکل سواروں کی لوکل پک اپ گاڑی پر فائرنگ سے ڈرائیور زخمی ہوگیا۔
تفصیلات کے مطابق مقبوضہ بلوچستان کے علاقے نوشکی میں نامعلوم مسلح موٹر سائیکل سوار افراد نے لوکل پک اپ گاڑی پر فائرنگ کی۔ فائرنگ کے نتیجے میں لوکل پک اپ کا ڈرائیور شدید زخمی ہوگیا ۔زخمی ہونے والے لوکل پک ڈرائیور کی شناخت جعفرخان ولد پیرجان قوم دشتک زئی مینگل کے نام سے ہوئی ہے۔
لیویز ذرائع کے مطابق زخمی ڈرائیور کو طبی امداد دینے کے لئے ٹیچنگ ہسپتال نوشکی منتقل کردیا گیا جہاں ان کو ڈاکٹر اور پیرامیڈیکل اسٹاف کی جانب سے طبی امداد دیدی گئی۔
