پنجگور(ہمگام نیوز) مقبوضہ بلوچستان کے ضلع پنجگور گوادر سوراب روڈ پر تیز رفتار گاڑی بے قابو ہوکر اُلٹ گئی جس سے گاڑی میں آگ لگ گئی۔
تفصیلات کے مطابق گاڑی کو حادثہ اس کا ٹائر برسٹ ہونے کی وجہ سے پیش آیا۔ الٹنے کے بعد گاڑی میں آگ لگ گئی۔ حادثہ پنجگور کے علاقے چتکان جہلگ میں گوادر سوراب روڈ پر پیش آیا۔
حادثے کے بعد فائیر بریگیڈ کو طلب کیا گیا اور فائر بریگیڈ کی ٹیم نے آگ بجھانے کی کوشش کی مگر چونکہ گاڑی میں پیٹرول تھا اس لئے آگ پر قابو نہ پایا جاسکا اور گاڑی مکمل طور پر جل کر ناکارہ ہوگئی تاہم گاڑی کا ڈرائیور معجزانہ طور پر حادثے میں محفوظ رہا، معمولی زخمی حالت میں ڈرائیور کو ہسپتال میں ابتدائی طبی امداد مہیا کی گئی۔
