پنجگور(ہمگام نیوز) مقبوضہ بلوچستان کے ضلع پنجگور کی تحصیل پروم کے علاقے بسد میں گاڑی پر ڈاکوؤں کی فائرنگ سے ایک شخص جاں بحق ہوگیا۔
لیویز ذرائع کے مطابق پنجگور کے علاقے پروم بسد میں گاڑی پر نامعلوم مسلح افراد کی فائرنگ سے خداداد ولد بدل خان جانبحق ہوگیا۔ ذرائع کے مطابق نامعلوم مسلح افراد نے گاڑی کو رکنے کا اشارہ کیا۔ نہ رکنے پر نامعلوم مسلح افراد نے گاڑی پر فائرنگ کردی جس سے صاحب کہن کا رہائشی نوجوان جانبحق ہوگیا۔ضروری کارروائی کے بعد لاش ورثاء کے حوالے کردی گئی۔
علاقے میں پچھلے کئی مہینوں سے چوری اور ڈکیتی کی وارداتوں میں اضافہ ہوا ہے جس پر لوگوں نے تشویش کا اظہار کیا ہے۔
