کسانیں چمشانکے!
نبشتہ کار: نودان بلوچ
ھمگام نبشتانک
اگہ ما کسانیں چمشانکے بدیاں گُڈا مارا راجدپتر ءِ تہ ءَ ھمے گندگ ءَ کیت وھدیں دگنیا دیمروئئ ءِ سیمسراں سر بوان بیت گُڈا مڑدمانی لوٹ ھم گیش بوان بنت۔ اے بیست ءُ یکمی(21) تک ءِ بنداتی روش بنت بزاں 1908 ءِ زمانگ بیت وھدیں نیویارک امریکہ ءَ 15000(پانزدہ ھزار) جنین روانک( مارچ) کنت ۔
اے 15000 جنینانی مستریں جیڑہ پگار(تنخواہ) ءُ اوٹ ءِ واستہ برابری (بزاں جنیناں اوٹ دیگے ھق دیگ بہ بیت) ۔ اے جنینانی سرا پولیس لٹ ءُ کُٹ کنت، ایشانی تہ ءَ بازیں جنینے ٹپی ءُ ٹوری بیت۔ بلے ایشانی جھد داں اھدے ءَ رنگ کار اِت۔
اے جنینانی سروکی ءَ بانُک کلارا زتکن کنت کہ آ وت یک کومیونسٹ ءُ جنینانیں اوگبالانی باروا چاگردی چست ءُ ایر کنوکے بیت۔
ھمے داب ءَ اے روس ءِ تہ ءَ ھم جنین زھرشانی کن اَنت، روڈ ءُ تگاں بند کن اَنت، کہ کسان سالیں گُونڈو بائید اِنت کار گِرگ مہ بنت، جنینانی پگار گیش کنگ بہ بیت ءُ جنین ءُ مردین یکے چم ءَ چارگ بہ بنت۔ روس ءَ اوں جنینانی سرا باز زلم کنگ بیت اے روانک ءُ ماچ ءَ بازین جنینے ٹپی ءُ ٹوری بیت۔
دومی نیمگ ءَ اے جنین ٹی سر( روس ءِ ھاکم) اے 1917 ءِ وھد بیت وھدیں جنین چار روش ءَ نند اَنت ءُ ‘نان ءُ ایمنی’ ءِ واستہ کُوکار ءُ جگّ ءَ کن اَنت۔ گُڑا ایشی ءِ سوب ءَ جنینانی کُلیں اگُبال دیگ بنت( اے انکلاب ءِ وھد بیت) ۔
* 8 مارچ ھمے وھد ءَ جنینانی روش ءِ درگت ءَ دارگ بیت( روس ءِ کلنیدر ءِ ھساب ءَ 26 فروری بیت)
دیمترہ 1919 ءَ کوپن ہیگن ءَ یک میان استمانی کانپرنس ءِ اڈ دیگ بیت
، ” انٹرنیشنل کانفرنس آف ورکنگ وویمن ”
اے کانپرنس ءِ تہ ءَ 17 ملکاں چِی 100 جنین بھر زور اِت ءُ اے کُلیں چیزانی باروا تپاک کن اَنت۔
جنینانی روش اولی رند ءَ 1911 ءَ آسٹریا، ڈنمارک، جرمنی ءُ سوئٹزرلینڈ ءَ دارگ بیت کہ جنین وش کامی کن اَنت۔ بلے اے وھد ءَ اے روش انگتہ کانونی ھساب ءَ نہ بیت۔
دیمترہ ءَ 1975 ءَ اقوام متحدہ 8 مارچ ءَ جنینانی روش لیک اِت ۔
اے روش ءَ انونیں وھد ءَ سرجمیں دگنیا ءَ جنین یک ءُ دومیگ ءَ پُل دی اَنت، پارٹی ءُ پکنِک کن اَنت، کانپرنس، ناچ ءُ بجانہ کن اَنت ءُ دگہ بازیں چیز۔
