ڈیرہ مراد جمالی( ہمگام نیوز )پولیس تھانہ صدر کی حدود پٹ فیڈر پُل پر درگاہ تیار غازی سے آنے والی زائرین پر ڈنڈا برادار افراد نے حملہ کردیا جس سے دو خواتین، دو معصوم بچوں سمیت 6 افراد زخمی، زخمی ہونے والے قوم سولنگی، جن کا تعلق ڈیرہ اللہ یار بھٹی محلہ سے ہے
زائرین کے مطابق راستے میں دو موٹر سائیکل پر سوار دو نامعلوم مسلح افراد ہمیں اور ہمارے بچوں کو حراساں کرتے رہے اور بچوں کی ویڈیوز بناتے رہے پٹ فیڈر پل پر پہنچتے ہی تیس کے قریب نامعلوم ڈنڈا برداروں نےہمارےمعصوم بچوں اور عورتوں پر حملہ کردیا اور ہماری گاڈی کے شیشے بھی توڈ دیئے، صدر پولیس سے رابطے کے باوجود بھی پولیس لیٹ پہنچی جس کی وجہ سے ڈنڈا بردار افراد بھاگنے میں کامیاب ہوگئے زائرین نے نامعلوم ڈنڈا بردار افراد کے خلاف سندھ بلوچستان قومی شاہراہ کو بند کرکے احتجاج کیا اور پولیس کے خلاف نعرے بازی بھی کی اور عورتوں اور بچوں نے ڈی آئی جی نصیرآباد سے مطالبہ کیا کہ ان ڈنڈا برادر افراد جن کا تعلق گرانی قبیلے سے بتایا جارہا ہے کو گرفتار کیا جائے اور ہمیں انصاف فراہم کیا جائے
بعدازاں صدد پولیس نے زائرین سے مذاکرات کرتے ہوئے یقین دہانی کرائی اور ایس ایچ او صدر نے بروقت کاروائی کرکے دو مرکزی ملزمان شکیل احمد اور جمیل احمد اقوام گرانی کو گرفتار کرلیا دو گھنٹے کے طویل احتجاج کے بعد روڈ کو ٹریفک کے لیے کھول دیا گیا.
ڈیرہ مراد جمالی زائرین پر حملہ، خواتین و بچوں سمیت چھ افراد زخمی
