برلن(ہمگام نیوز) فری بلوچستان موومنٹ کی جانب سے 27 مارچ کو جرمنی کے شہر بریمن میں احتجاجی مظاہرہ اور ریلی نکالی جائے گی۔
فری بلوچستان موومنٹ نے اعلامیہ جاری کرتے ہوئے کہا ہے کہ 27 مارچ بلوچستان کی تاریخ میں وہ سیاہ دن ہے جب پاکستانی دہشت گرد آرمی نے بزور شمشیر بلوچستان کی آزاد ریاست پر قبضہ کیا۔ اُس دن سے لیکر آج تک بلوچ قوم اس غیر قانونی قبضے کے خلاف مزاحمت کررہی ہے۔ اس 73 سالہ مزاحمت میں بلوچ قوم نے ہزاروں کی تعداد میں اپنی قیمتی جانوں کی قربانیاں دی ہیں اور یہ سلسلہ اسی تسلسل سے آج کی تاریخ تک جاری ہے جو بلوچ وطن کی آزادی تک یوں ہی جاری رہے گی۔
فری بلوچستان موومنٹ جرمنی برانچ نے اپنے بیان میں مزید کہا کہ بلوچ سرزمین پر آج دشمن پاکستان و ایران نے جو ظلم کی سیاہ رات قائم کی ہیں اُس کے خاتمے کے لئے ہمیں بحیثیت قوم محنت کرکے صرف آزادی کے عظیم مقصد کے لئے اپنی قومی جدوجہد کو آگے بڑھانا چاہئیے۔ تشکیل ریاست کے لئے جدوجہد کے جو تقاضے ہیں وہ جہد مسلسل سیاسی عمل کے زریعئے بلوچ قوم کو اُس کی منزل تک پہنچا سکتی ہے۔جس کیلئے ضروری ہے کہ ہم بلوچستان کا پیغام دنیا کے کونے کونے تک پہنچا دیں۔
اسی سلسلے میں فری بلوچستان موومنٹ 27 مارچ کے دن دوپہر ایک بجے جرمنی کے شہر بریمن میں سینٹرل اسٹیشن کے مقام پر ایک احتجاجی مظاہرے کا انعقاد کریگی جس کے بعد ایک احتجاجی ریلی بھی نکالی جائے گی جو سینٹرل اسٹیشن سے نکل کر مختلف مصروف شاہراؤں پر گشت کرتے ہوئے بریمر مارکٹ پلاٹز تک جائے گی۔
فری بلوچستان موومنٹ جرمنی میں رہنے والے تمام بلوچوں اور انسانی آزادی پر یقین رکھنے والے لوگوں سے اپیل کرتی ہے کہ وہ ہمارے اس احتجاج میں حصہ لیکر بلوچ قوم کی آواز میں اپنی آواز ملائیں تاکہ بقائے انسانی کی جدوجہد میں اپنا سیاسی کردار ادا کریں۔
ایف بی ایم مرکزی سطح پر بروز 27 مارچ یوم قبضہ بلوچستان کے دن کی مناسبت سے سوشل میڈیا میں دنیا بھر میں آگاہی کیلئے ٹوئیٹر پر
#PakistanQuitBalochistan
کے نام سے برطانیہ کے معیاری وقت کے مطابق دن 2 بجے سے کیمپین بھی چلائیگی۔
