زاہدان ( ہمگام نیوز ) مقبوضہ بلوچستان ایران کے قابض سرحدی محافظ فورس کے کمانڈر نے ایرانی میڈیا سے گفتگو میں کہا ہے کہ سرحدی علاقوں میں کئی کارروائیوں کے دوران اس ادارے کے اہلکاروں نے گیارہ بلوچ ایندھن برداروں کو گرفتار کر کے حراست میں لیا ہے۔
ایرانی میڈیا نے ان گرفتار شدہ بلوچ ایندھن برداروں کی شناخت اور گرفتاری کے وقت کے بارے میں کوئی تفصیلات جاری نہیں کی ہیں۔
قابل ذکر بات یہ ہے کہ ایران اور پاکستان نے ایک مشترکہ اقدام کے تحت معاشی دباؤ بڑھانے اور مقبوضہ بلوچستان کے دونوں جانب بلوچ شہریوں میں غربت پھیلانے کے لیے ایندھن برداروں کے خلاف کارروائیاں تیز کر دی ہیں اور سرحدی راستوں کو بند کر دیا ہے۔
