زاہدان (ھمگام نیوز) ہفتہ 24 مئی 2026 کو ایرانی مقبوضہ بلوچستان کے شہر زاہدان میں ایک بلوچ شہری جو تقریباً 160 دن قبل مسلح افراد کے ہاتھوں اغوا ہو گیا تھا، بالآخر اپنے اہلِ خانہ کے پاس واپس پہنچ گیا۔
یہ واقعہ 14 دسمبر 2024 کو پیش آیا تھا، جب زاہدان کے علاقے پاسداران اسٹریٹ میں نامعلوم مسلح افراد نے اس شہری کو اغوا کر لیا تھا۔
بازیاب ہونے والے شہری کی شناخت امید سارانی کے نام سے ہوئی ہے، جو زاہدان کے رہائشی ہیں۔ رپورٹ کے مطابق ان کا کسی فرد یا گروہ کے ساتھ کوئی ذاتی تنازع یا دشمنی نہیں تھی، اور ان کا اغوا بغیر کسی پیشگی جھگڑے کے کیا گیا تھا۔
اس سے قبل رپورٹ میں بتایا گیا تھا کہ ایک پژو گاڑی میں سوار مسلح افراد نے سڑک پر انہیں زبردستی روکا، گاڑی میں بٹھایا اور نامعلوم مقام کی طرف لے گئے۔ اس دوران نہ تو اغوا کاروں کی شناخت سامنے آ سکی اور نہ ہی اس واقعے کے محرکات واضح ہو سکے۔
واضح رہے کہ مقبوضہ بلوچستان سمیت ایران بھر میں انٹرنیٹ کی بندش کی وجہ سے خبریں تاخیر سے موصول ہو رہی ہیں ۔
