کوئٹہ (ہمگام نیوز) مقبوضہ بلوچستان کے دارالحکومت کوئٹہ کے قریب مسلح افراد نے ایک شدید نوعیت کے حملے کے بعد پاکستانی فورسز کے دو پوسٹوں پر مکمل کنٹرول حاصل کرکے وہاں موجود اسلحہ و گولہ بارود کو تحویل میں لیکر پوسٹوں کو نذر آتش کردیا۔
یہ واقعہ گزشتہ روز شام کے وقت پیش آیا جہاں مسلح افراد کی بڑی تعداد نے بیک وقت ولی تنگی (زرغون غر) اور اسپین کاریز میں پاکستانی فورسز کے دو پوسٹوں پر حملہ کیا۔
علاقے میں دیر تک شدید فائرنگ اور دھماکوں کا سلسلہ جاری رہا۔ مسلح افراد نے دونوں پوسٹوں پر کنٹرول حاصل کرکے وہاں موجود تمام جنگی ساز و سامان سمیت اسلحہ اپنی تحویل میں لیا۔
اطلاعات کے مطابق حملے میں تیرہ سے زائد فورسز اہلکار ہلاک اور متعدد زخمی ہوئے ہیں۔ حکام نے حملے کی تصدیق کرتے ہوئے چار ہلاک اہلکاروں کی شناخت ظاہر کی ہے جن میں نائب صوبیدار اول خان، نائک نور بخش، سپاہی سمیع اللہ، سپاہی رفیق شامل ہیں جبکہ تین اہلکار لاپتہ
ہیں۔
