زابل (ہمگام نیوز) ایرانی مقبوضہ بلوچستان میں آج 15 اگست 2026 کو ذرائع نے رپورٹ کی ہے کی رپورٹ ہے کہ زابل میں تقریباً دو ہفتے قبل فائرنگ کے ایک واقعے میں ایک شہری جاں بحق ہوگیا۔
جاں بحق شہری کی شناخت محمود پودینہ، عمر تقریباً 41 سال، ولد ملنگ، شادی شدہ اور چار بچوں کے والد کے طور پر ہوئی ہے۔ وہ زابل کا رہائشی تھا۔
ذرائع کے مطابق یہ واقعہ 1 اگست 2026 کی صبح تقریباً 8 بجے زابل کے ڈاکٹر چوراہے کے علاقے میں پیش آیا، جہاں محمود پودینہ کو دو افراد نے فائرنگ کرکے نشانہ بنایا۔ بتایا گیا ہے کہ حملہ آور مقتول کے رشتہ دار تھے اور ان کے درمیان پہلے سے مالی تنازع چلا آ رہا تھا۔
ذرائع کا کہنا ہے کہ محمود اور مذکورہ افراد کے درمیان مالی اختلاف تقریباً چار سال قبل شروع ہوا تھا۔ اس دوران دونوں فریقوں کے درمیان کئی مرتبہ جھگڑے ہوئے اور جسمانی لڑائی کے واقعات بھی پیش آئے۔
موصولہ اطلاعات کے مطابق حملے میں ملوث ہونے والے مشتبہ افراد آپس میں باپ اور بیٹا اور مقتول کے رشتہ دار ہیں۔ حال وش کے مطابق اسے ان افراد کی شناخت معلوم ہے، تاہم قتل میں ان کے ملوث ہونے کے ثبوت اور کافی دستاویزات دستیاب نہ ہونے کے باعث ان کے نام ظاہر نہیں کیے گئے۔
واضح رہے کہ ایرانی مقبوضہ بلوچستان میں کئی شہروں میں اب تک انٹرنیٹ کی بندش کی وجہ خبریں تاخیر سے پہنچ رہی ہیں ۔
