اسلام آباد (ہمگام نیوز) مانیٹرنگ نیوز ڈیسک کی رپورٹس کے مطابق سابق سینیٹر اور جمعیت علما اسلام ف کے رہنما حافظ حمد اللہ کو غیر ملکی شہری قرار دے دیا گیا ہے۔نادرا نے حافظ حمد اللہ کو افغان باشندہ قرار دے کر شناختی کارڈ کینسل کر دیا۔تفصیلات کے مطابق نادرا نے جمیعت علما اسلام ف کے رہنما حافظ حمد اللہ کو افغان شہری قرار دے دیا ہے۔نادرا کا کہنا ہے کہ حافظ حمد اللہ پاکستانی شہری نہیں ہیں۔
نادرا کے مراسلے پر پیمرا نے حافظ حمد اللہ کی ٹی وی کوریج پر مکمل پاپندی عائد کر دی۔نادرا نے 11 اکتوبر کو مراسلہ پیمرا کو بھجوایا تھا۔ جاری کیے گئے مراسلے میں ہدایت کی گئی ہے کہ تمام ٹی وی چینلز حافظ حمد اللہ کو اپنے پروگرام،اور ٹاک شوز میں مدعو نہ کریں۔
نادرا نے حافظ حمد اللہ کو “Alien ” قرار دے دیا۔
نادرا کے مراسلے پر پیمرا نے حافظ حمد اللہ کی ٹی وی کوریج پر بھی پاپندی لگادی ہے۔
خیال رہے کہ حافظ حمد اللہ جمعیت علمائے اسلام ف کے سینیئر رہنما ہیں۔ ان کے والد سرکاری اسکول میں ٹیچر رہے ہیں جنہوں نے 70 کی دہائی میں ریٹائرمنٹ لی۔ حافظ حمداللہ سینیٹر بھی رہ چکے ہیں اور 2002 سے لیکر 2006 تک وہ بلوچستان میں صوبائی وزیر صحت بھی رہے ہیں۔ وہ میڈیا میں اپنی جماعت کا بھرپور موقف پیش کرتے نظر آتے ہیں تاہم اب پیمرا نے ان کے ٹی وی شوز میں شرکت پر پابندی لگا دی ہے ۔جب کہ دوسری جانب یہ سوال بھی اٹھایا جا رہا ہے کہ اگر حافظ حمد اللہ افغان باشندے ہیں تو پھر وہ سینیٹر کیسے منتخب ہوئے؟ جب کہ ان کا بیٹا پاکستانی فوج میں سیکنڈ لیفٹیننٹ کے عہدے پر فائز ہے۔ایسے میں سوشل میڈیا پر یہ سوال اٹھایا جا رہا ہے کہ اگر حافظ حمداللہ افغانی شہری ہیں توپھر ان کا بیٹا پاکستانی فوج میں ملازمت کیسے کر سکتا ہے؟
