ریاض ( ہمگام نیوز) مانیٹرنگ نیوز ڈیسک رپورٹس کے مطابق کرونا وائرس کے تدارک کے لئے سعودی عرب میں حج و عمرہ کے نائب وزیر عبدالفتاح مشاط کا کہنا ہے کہ مملکت کی جانب سے عمرے کے ویزوں کو معطل کرنے کا فیصلہ کر لیا گیا ہے۔
انہوں نے مزید بتایا کہ وزارت حج و عمرہ نے تمام کمپنیوں کو باور کرایا ہے کہ وہ معتمرین کے امور کا جائزہ لیں اور انہیں تمام تر سہولیات پیش کریں۔
مشاط کے مطابق معتمرین کے تحفظ کے لیے تمام تر ہدایات پر عمل درآ مد کے سلسلے میں وزارت صحت کے ساتھ تعاون جاری ہے۔
سعودی عرب کی وزارت خارجہ نے بدھ کے روز عمرے اور مسجد نبوی کی زیارت کے مقصد سے مملکت میں داخل ہونے پر عارضی پابندی عائد کرنے کا اعلان کیا تھا۔ اسی طرح مملکت نے کرونا وائیرس سے متاثرہ ممالک سے آنے والوں کے لیے سیاحتی ویزوں کے اجرا کو بھی معطل کر دیا ہے۔
وزارت خارجہ نے اپنے بیان میں مزید کہا کہ سعودی شہریوں اور خلیج تعاون کونسل میں شامل ریاستوں کے شہریوں کے مملکت میں سفر کو معطل کر دیا گیا ہے۔ تاہم بیرون ملک سعودی شہری اس پابندی سے مستثنی ہیں، وہ مملکت واپس آ سکتے ہیں۔ قومی شناخی کارڈ رکھنے والے افراد اور خلیج تعاون کونسل کے باشندے سعودی عرب سے باہر اپنے ملکوں کا سفر کرسکتے ہیں۔
پ
سعودی عرب کے مطابق یہ تمام اقدامات عارضی ہیں اور متعلقہ اداروں کی جانب سے صورت حال کا مسلسل جائزہ لیا جا رہا ہے۔
