العربیہ، الحدیث اور یو اے ای کے اسکائی نیوزعربیہ کا بائیکاٹ کیا جائے: حزب اللہ کے سربراہ کا مطالبہ
لبنان (ہمگام نیوز) مانیٹرنگ نیوز ڈیسک رپورٹس کے مطابق لبنان کی شیعہ ملیشیا حزب اللہ کے سربراہ حسن نصراللہ نے ایک نشری تقریر میں العربیہ اور الحدث چینلوں کے بائیکاٹ کا مطالبہ کیا ہے۔
وہ نواسۂ رسول ﷺ حضرت امام حسین رضی اللہ عنہ اور ان کے ساتھی شہدائے کربلا کی یاد میں یوم عاشورا کے موقع پر منعقدہ اجتماع کے سامنے براہِ راست تقریر کررہے تھے۔
حسن نصراللہ نے کہا کہ ’’ وہ زہرناکی پھیلانے کے لیے رقوم دیتے ہیں اورحزب اللہ کے خلاف اشتعال انگیزی اور توہین کے معاملے میں تو جھوٹ سے بھی بہت آگے چلے جاتے ہیں۔‘‘
انھوں نے اپنی تقریر میں العربیہ اور الحدث چینلوں کے علاوہ یو اے ای کے اسکائی نیوزعربیہ کا نام لیا ہے اور انھیں اپنی تنظیم کا مخالف قرار دیتے ہوئے ان کے بائیکاٹ کا مطالبہ کیا ہے۔
