خیبر پختونخوا: حالیہ بارشوں کے دوران چھتیں گرنے کے مختلف واقعات میں 2 بچے جاں بحق، 6 افراد زخمی
خیبر پختونخوا (ہمگام نیوز) خیبر پختونخوا میں حالیہ بارشوں کی وجہ سے چھت گرنے کے مختلف واقعات میں 2 بچے جاں بحق جبکہ 6 افراد زخمی ہوگئے۔
تفصیلات کے مطابق خیبرپختونخوا کے مختلف اضلاع میں جاری شدید بارشوں سے گھروں کی چھتیں گرنے سے شانگلہ میں دو بچے جاں بحق ہو گئے جبکہ دیگر اضلاع میں گھروں کو نقصان پہچنے سے چھ افراد زخمی ہو گئے۔
بونیر اور شانگلہ میں دو دو گھر جبکہ کرک، لوئر کوہستان، صوابی اور سوات میں ایک ایک گھر کو نقصان پہنچا ہے، متاثرہ علاقے میں امدادی کارروائیاں جاری ہیں۔
