لندن (ہمگام نیوز)مانیٹرنگ نیوز ڈیسک رپورٹس کے مطابق برطانیہ کے بین الاقوامی سیگریٹ ساز کمپنی موریس انٹرنیشنل نے سگریٹ اور تمباکو سازی سے توبہ کرتے ہوئے آئندہ تمباکو نوشی کا کاروبار بند کرنے کا اعلان کیا ہے۔
تفصیلات کے مطابق فلپ مورس انٹرنیشنل کے چیف ایگزیکٹو جو بیرون ملک میں مارلبورو سگریٹ بناتے ہیں نے کہا ہے کہ ان کی کمپنی ایک دہائی میں برطانیہ میں سگریٹ بیچنا بند کردے گی۔
سی ای او جیسک اولکاک نے اتوار کے روز ڈیلی میل کو بتایا کہ یہ اقدام کمپنی کے دھواں سے پاک بننے اور روایتی سگریٹ کے استعمال کو ختم کرنے میں مدد فراہم کرنے کے مقصد کا حصہ ہے۔
اولیک زاک نے برطانیہ کی حکومت سے بھی مطالبہ کیا ہے کہ وہ ایک دہائی کے اندر سگریٹ پر پابندی عائد کرے۔ ان کا کہنا تھا کہ جس طرح 2030ء تک ملک میں گیس سے چلنے والی کاروں پربابندی کا فیصلہ کیا ہے۔ اسی طرح ان کی کمپنی سگریٹ اور اس کے دوھوئیں سے پاک ماحول فرہم کرنا چاہتی ہے۔
انہوں نے کہاکہ ہم دُنیا کو سگریٹ کے بغیر دیکھ سکتے ہیں۔ صحیح ضابطے اور معلومات سے ظاہر ہوتا ہے کہ تمباکو نوشی کی لعنت سے 10 سال کے عرصے کے اندر چھٹکارا پایا جاسکتا ہے اور آپ اس مسئلے کو ایک بار ہمیشہ کےلیے حل کرسکتے ہیں۔
فلپ مورس انٹرنیشنل امریکی فلپ مورس سے الگ ہے جو میں مارلبورو سگریٹ تیار کرتا ہے اور امریکی تمباکو کمپنی الٹریہ کا حصہ ہے۔ اس نے 2008 میں فلپ مورس امریکا سے علیحدگی اختیار کی تھی اور حال ہی میں اس نے دھواں سے پاک کمپنی میں تبدیل ہونے کے منصوبوں کا اعلان کیا تھا ، اور ساتھ ہی اس سے برطانوی منشیات ساز ویکٹورا گروپ خریدنے کا ارادہ کیا تھا جو دمہ کے مریضوں کے لیے سانس لینے کا سامان بناتا ہے۔
