کرمان ( ہمگام نیوز) اطلاعات کے مطابق گزشتہ بروز جمعرات، 9 دسمبر 2021 کو فجر کے وقت کرمان جیل کے حکام نے اس جیل میں 4 اور بلوچ شہریوں کو پھانسی دے دی۔
ان قیدیوں کی شناخت 23 سالہ خالد شاہ بخش ولد اسماعیل دزاپ (زاہدان)، غلام براہوئی جو کہ ساکن نصرآباد (زابل) کے نام سے شناخت کی گئی سعید دہمردہ ولد محمد رحیم اور ابراہیم سیستانی ولد بہلول شامل ہیں۔
زیر حراست افراد پر منشیات کے الزامات عائد کیے گئے تھے۔
بتایا جاتا ہے کہ غلام کو 2017 میں بم، خالد کو 2018 میں اور ابراہیم اور سعید کو 2019 میں کرمان سے گرفتار کیا گیا تھا۔
ان قیدیوں کو گزشتہ روز 8 دسمبر کو صبح کے وقت کرمان جیل میں قید تنہائی میں منتقل کیا گیا تھا۔
موصولہ اطلاعات کے مطابق کرمان جیل حکام نے ابتدائی طور پر خالد کے اہل خانہ کو ان کی آخری ملاقات کی اجازت نہیں دی تھی تاہم قیدی کے اہل خانہ رات گئے جیل کے سامنے گھنٹوں انتظار کے بعد ان سے ملاقات کرنے میں کامیاب ہو گئے۔
جیل حکام نے پھانسی سے قبل آخری لمحات میں ابراہیم اور سعید کے اہل خانہ کو صرف دس منٹ کے لیے ملنے کی اجازت دی۔
ان افراد کی لاشیں گزشتہ روز صبح 11 بجے کے قریب ان کے اہل خانہ کے حوالے کر دی گئیں۔
حالیہ دنوں میں قابض ایران کی جیلوں میں 2020 کے آخر سے اب تک بلوچوں کو پھانسی دینے کی تعداد میں نمایاں اضافہ ہوا ہے، اس طرح 2021 کے آغاز سے لے کر اب تک نامہ نگاروں کے مطابق کم از کم 62 بلوچ شہریوں کو پھانسی دی گئی ہے۔
