چابہار ( ہمگام نیوز) اطلاعات کے مطابق بلوچستان کے ساحلی علاقوں میں گزشتہ چند روز سے جاری شدید بارشوں کے بعد آثار قدیمہ اور نوادرات کو کافی نقصان پہنچا ہے ـ
فری زون آرگنائزیشن کے ڈائریکٹر ٹورازم عدنان حسینی نے بتایا کہ حالیہ دنوں میں ہونے والی شدید بارشوں کے باعث تیس قلعہ کی باڑ کے ٹاورز اور قلعہ بندی کے کچھ حصے تباہ ہو گئے ہیں اور قلعے کی دیواروں اور اندرونی جگہوں کو نقصان پہنچا ہے۔ یادگار کو محفوظ رکھنے اور یادگار کو مزید نقصان سے بچانے کے لیے انہیں دیواروں اور دیگر قدیم باقیات کو محفوظ رکھنا ہوگا ـ
انہوں نے مزید کہا: “تیس گاؤں کی دیگر آثار قدیمہ اور تاریخی یادگاروں کو بھی نقصان پہنچا ہے، اور نقصان کی مقدار کی تحقیقات اور تخمینہ لگانے کا کام ایجنڈے پر کام ہو رہا ہے۔”
واضح رہے کہ تیس بلوچستان کا وہ قدیم علاقے ہے جہاں 2700 سال پرانا ایک شوگر اور فلور ملز کے باقیات ماہرین آثار قدیمہ نے دریافت کیئے تھے ـ
جبکہ حالیہ دنوں میں شدید بارشوں کے باعث تیس اور کنرک شہر میں بلوچ شہریوں کے کئی گھر زیر آب آگئے۔
تاہم بعض سربراہان حکومت کی موجودگی کے باوجود کئی مقامات پر لوگ اب بھی بجلی اور صاف پانی سے محروم ہیں۔
