اطلاعات کے مطابق مشرقی بلوچستان پشین توبہ کاکڑی میں 2 ڈیم ٹوٹنے سے تین افراد جانبحق ہوگئے۔
تفصیلات کے مطابق پشین کے نشیبی علاقے سے دو افراد کی لاشیں نکال لی گئی ہیں جبکہ تیسرے کی تلاش جاری ہے چمن کے پہاڑی علاقوں کی رابطہ سڑکیں تباہ ہونے سے کئی دیہات کا زمینی رابطہ منقطع ہوگیا ہے اچکزئی میں بھی گزشتہ شام کدنی کے 3 ڈیم ٹوٹنے کے بعد سیلابی صورتحال ہے توبہ اچکزئی میں دو بندی کدنی فراخی اغیرگ تاشرباط میں پل اور رابطہ سڑکیں بہہ جانے سے توبہ کا دیگر علاقوں میں رابطہ منقطع ہوگیا
کوئٹہ زیارت قومی شاہراہ پر 4 پل اور 7 مقامات پر سڑک بہہ گئیں، جس سے ضلع زیارت کا 3 دن سے زمینی رابطہ منقطع ہے بلکہ زیارت کے اطراف کئی دیہات کے درجنوں گھر سیلاب میں بہہ گئے ہیں جبکہ زیارت کالج اور فٹبال اسٹیڈیم کو بھی نقصان پہنچا ہے لیویز کنٹرول کے مطابق درہ کوژک کے پہاڑوں میں ریلوں نے پانی کے قدرتی ذخیرے تباہ کردیے ہیں پرانا چمن توزی اور دیگر دیہات میں پانی کے قدرتی چشمے اور کاریز سسٹم تباہ ہوگئے ہیں
