نبشتہ کار: کریم بلوچ
ھمگام نبشتانک
زیکیں روچ ءَ چنت بلوچ ، هکومتی پلیسانی اڈهے ءِ سرا اُرش کت که دزاپ ءِ مکی مجد ( مسیت ) ءِ نزیک ات و مهرماه ءِ هشتمی روچ ءَ چه همے اڈه ءَ بلوچانی سرا تیرگواری بوتگ ات که سدانی بلوچ کشگ و ٹپی بوتنت .
بازیں کسے همے ارش کنوکاں ساڑات و باز کس اشاں هکومت ءِ مردم زانت . بلے بلوچ جنگولانی یک گلے ، اُرُش ءِ زمه ءَ من ات . هرچنت که اے ارش گوں آهانی گل ءِ ارشاں که نیم شپ ارش اش برتت و گوں شورو و دگه بان و ماشین پروشیں ساماناں وتی بیڑ اش بنگیج کتگ ات ، اے ارش روشنیں روچ ءَ و گوں سبکیں هتیاران و گون دروازگ ءِ لگت جنئگ بنگیج بوت !
نون اے کار ءَ کے کتگ و آئیا کجام مراد بیتگ انت وتی جاه ءَ ، زلور انت که چنت گپ اداں دیما آرگ ببنت یکے ایش که ماں بلوچستان ءَ ایران ءِ هکومت ءِ زلم و زور چه هد ءَ گوئستگ ، بلوچ ءِ سَگ و اوپار هم سرزیچ کنان انت و هر روچ دابے نه دابے جاهے سر کشیت و وتا پیش داریت و سئیمی اے که اے هکومت وتی زدیانی منئگ ءَ تیار نه انت و نه لوٹیت بلوچانی هبراں گوش بکنت و وتی مئیار باریں مردمان شزا بدنت ، بلکین آهانی پُشت و پناهی ءَ هم کنان انت که وت همے گپ ءَ پیشداریت که بلوچستان ءِ هکومتیانی سرجمین کشت و کوش و زورانسری ، ایران ءِ هکومت و سروکانی همراهی ءَ بیگ انت .
تاں وهدے که هکومت وتی رستریں پاسداراں ماں بلوچستان لگام نه دنت و تاں وهدے که وتی مئیاربارین و مردم کشین واکان که دزاپ و واش ءِ شهر ءَ یک سد و پنجاه مردم ءِ کساسش کشت و چنت سد اش ٹپی کت ، مردمانی دست و عدالت ءَ پیش مه کنت ، تان وهدے که مردمانی گپ و هبرانی اشکنگ و مئئگ ءَ تیار مه بیت ، مردمانی نه وشی و ورنایانی جزبه و جوش ءِ سرچست کنئگ ، المین گپے بیت .
په چشیں بیڑ و ارش ورنا هما گهتر انت هما هند و جاهاں گچین بکن انت و بچار انت که سوب اوداں گیش و چه اودان دور بیگ ءِ راه و در هم به بیت . بیڑ ءِ برگ ، نه یک برے بلکیں چنت و چنت ده گَشت بیڑ ببرنت گهتر انت و هکومت ءِ تاوان ده برابر گیشتر بیت .
بلوچستان همے ورنایاں و آهانی نوکیں پدریچانی ملک انت و پیکه و باید انت که آهانی دست ءَ ببیت و بلوچ دژمنیں واکاں چه اداں به گلیننت . هکومتی مردماں و هاس سلیهبندیں واکانی هر تاوانے ، بلوچ ءِ پائدگ انت ، آهانی ماشین و دگه ساماناں ماندارگ ، پروشگ ، رنگ کنئگ ، پیکه و باید انت هر بلوچ ءِ هر روچی کار به بیت . کارے باید ببیت که هکومتی مردماں چه وتی ساهگ ءَ هم ماں بلوچستان به ترسنت . وتی راجی مچیان و زهرشانیاں ( تظاهراتان ) ، بهر به زیرین . شهرانی دیوالاں وتی راجی گپ و هبراں به نبیساں ، جوانیں و راجی شئیر و کلیپان ، بلوچانی راجی جنز ءِ هالان ، واتساپ و هر وسیلهے ءَ شنگ به کناں .
وتا په هر دابیں جاوراں ماں بلوچستان تیار بکنیں . لگور و هکومتی چانیگ واراں رزوا بکنیں .
بے شک مئی سوب ، مئی جهدانی برکت بیت کنت و بس !
