پدائی ءِ بزانت وتا کُربان کنگ ،وتا شَنک ءُ نَدر کنگ۔
بلوچ سرمچار کہ ھست اَنت آ پِدائی اَنت۔
اول روچ ءَ کہ ھوار بنت آ سر ءُ ساہ ءُ جان ءِ پِدائی بَنت۔وتی لوگ ءَ یل دَےاَنت رَو اَنت کوھاں دُژمن ءِ دیم ءَ چو کوہ ءَ مِک بَنت ،پگر کن اَنت کُجا نہ کُجا دژمن ءَ بِہ جناں، آئی ءَ را وتی ماتیں سرڈگار ءِ سر ءَ پہ وشی ایمنی نندگ ءَ مَئیلاں۔
بِندات ءَ وتی لوگانی کُربانیاں دَے اَنت، سرمچارانی ھر کار پہ بلوچستان ءِ آزاتی ءَ بیت، پمیشکا آیانی ھَمُک کار کُربانیانی تہا شُمار بیت۔
دوزوھانی ھمدردی ءُ ھمکوپگی سر سوج تئی مکسد ءِ درد ءَ گوں ھواری کُربانی پدائی ءَ گوں ھور اِنت آزاتی ءِ جنگ کُربانی ءِ نام اِنت۔
تئی مھلوک ءِ کُربانی ھواری گوں جُھد ءَ سوبمندی ءِ نشان ءُ چیدگ ءَ دَرا کنت۔
سنگتے ٹپی ٹوری بیت سنگتے پہ دوا درمان ءَ بارت ءُ دست ئِےگیپت آئی ھم کُربانی بیت۔ سنگتے ءِ ساہ ءِ رَکّینگ وتی سر ءِ نہ چارگ ھم کُربانی ءِ تَہا گوں ھور اِنت ۔
راز دار ھم پِدائی اِنت، راز دار اِنت کہ تئی راز ءَ دَر نہ کنت۔مستریں چیز راز داری اِنت ،راز ءَ سینگ ءِ تہا کل کنت کُربانی دنت، تئی کوہ ءَ زانت سنگتاں یک یک ءَ بلے وت ءَ کُرباں کنت ،ھمے پگر ءَ کنت چہ دُنیا ءَ رُکست بباں بلے راز دَر مہ بنت، راز داری ھم کُربانی ءِ تَہا کیت۔
یکے وتی مال ءَ کُربان کنت مالی کُربانی ءَ چہ چَک پد نہ بیت سنگتاں پہ وَرگی چَرگی چیز زور ایت تیر تُپنگ اے کار کُربانیانی پِدائیانی تہا کاینت۔ یکے میار جَلّی کنت وتی سر ءَ دنت بلے وتی میار ءَ نہ دنت ایش ھم کُربانی یے پہ وتی میار ءَ وتی سر ءَ دنت بلے وتی میار ءَ نہ دنت ۔
یکے تئی راہ ءَ چار ایت ترا پَھریز ایت ءُ جاھے سر کنت دژمن ءِ دیم ءَ وتی ساہ ءِ پرواہ ءَ نہ کنت گوں تو ھور کُربانی دَنت۔
ایش درست کہ ھست اَنت اے کُربانی اَنت پِدائی اَنت درست پہ وتن کہ جنگ ءَ اَنت بلوچستان ءِ آجوئی آزاتی ءِ ھاتر دوستی ءَ وتی سر ءَ نہ چار اَنت وتی سر ءِ پرواہ ءَ نہ دار اَنت وتی سراں کُربان کن اَنت پہ بلوچستان ءِ آجوئی ءَ کُربانی دیگ اَنت۔
ھمے پیم ءَ کُجام باسک کارکُن گوں بلوچستان ءِ آجوئی ءِجَنگ ءَ یکجاہ ھوار اِنت آ پِدائی اِنت، کُربان اِنت ،آزاتی ءِ جنگ کُربانی لوٹ ایت یکے وتی زند جان ءَ یکے وتی مال ءَ یکے ترا گِلاسے آپ دنت یکے تئی راز داری ءَ کنت یکے ترا پناہ دنت یکے گوں تو ھمراہ داری کنت یکے تئی دردوار ءُ دوزوہ بیت، ایش درست کُربانی اَنت یکے در مُلک ءَ اِنت وتی سر جَھل نہ کُرتگ دژمن ءِ دیم ءَ درمُلکی ءَ اُپار برداشت کنت پہ وتی سرڈگار ءَ ایش درست کُربانی ءَ اَنت۔
دژمن ءَ ھر وھد مئے کُربانی دَیوکیں سنگت شھید کُرتگ اَنت آھانی لاش کوہ ءُ کوچگاں چگل داتگ اَنت۔
ھر چینکس بلوچ ءَ شھادت داتگ آ پِدا ،کُربان بوتگ پہ بلوچستان ءِ آزاتی ءِ جنگ ءَ پِدا بوتگ اَنت کُجام رنگ ءِ کُربانی کہ بوتگ اَنت۔
آ کہ تئی راہ ءَ چار ایت کُربانی دنت آ ھم پدائی اِنت پہ بلوچستان۔
بلوچستان آجو بات
