ھمگام بلوچی نمدی
سلام ءُ دروت واجہ
من امُیت کناں تو وش ءُ جوڑ ئے. منی دوا انت کہ وش ءُ شادان بات ئے
واجہ منی مزنیں واھگے بوتگ کہ ترا بہ گنداں باز جست ترا چہ کنگی انت بلے چش کہ وھد ءُ جاور انچش انت گوں تو ھچبر دچار نہ کپتگاں بلے من نا امیت نا آں زلور گوں تو روچے دچار کپاں، مرچی منی دل ءَ گشت پہ تو پچیں نمدیے نبشتہ کن وتی گپ ءَ بہ کن من نہ زاناں اے پچیں نمدی باریں ترا سر بیت کہ نہ بیت، بلے وتی اے نا سرپدیں دل ءَ تسلہ دیاں باریں تو من ءَ اے کابل سرپد بہ ئے کہ نبئے منی جستانی پسہ ءَ باریں دیے انا بلے من وتی دل ءِ گُک ءَ بوجاں دیر انت منی دل ءِ سرا ایر انت.
اولی من جست اِش انت شمے سیاسی گل بہ بیت یا سلاہ بندیں گل (بی ایل ایپ) (بی این ایم) شما کُل گش ات ما آزاد بلوچستان ءِ لوٹ ءَ کنیں بلے دگہ گپے ءَ من ھیراناں شمے گَل پرچی پہ رو ایرشتی بلوچستان ءَ پہ گپ نہ کنت، نا شمے سیاسی گل ءِ نیمگ ءَ چشیں بیانے اتکگ کہ ما بزان انت شمے لوٹ ءُ (موقف) چی انت. ایا بلوچستان تھنا پاکستان ءِ ایردستیں بلوچستان انت اگاں نا گڑا بلوچستان تھنا پاکستان ءِ ایردستیں بلوچستان نہ انت گڑا شما رو ایرشتی بلوچستان ءِ بابت ءَ پرچا گپ نہ کن ات بلوچستان سئے بھر ءَ، بھر کنگ بوتگ اے چیزاں تو من زاناں شری ءَ سرپد ئے.
بازیں رنداں من تئی سنگتانی نیمگ ءَ ھمے گپ اشکتگ کہ ما انوں نزوریں دو تاگتاں گوں یک جاہ جنگ کت نہ کنیں من نہ زاناں تئی ھیال چی انت اے بابت ءَ
بلے اگاں تو بہ گش ئے کہ ما دو استان ءَ گوں یکیں ساھت ءَ جنگ کت نہ کناں پدا ھم اگاں جنگ کت کن ئے بلے چار دانک پہ روایرشتی بلوچاں پہ درشان کت کن ات ایران ءِ ھلاپ ءَ کہ ھود ءَ ھر روچ گجر بزگیں بلوچاں کش ایت یا پاھو دنت، ایران ءِ زلم ھروچ بلوچانی سرا گیش بوان انت شما ءُ شمے گل تُرک ءُ نک انت،
بلے چو بچار ئے اگاں گپ تاگت ءُ نزوری یے بہ بیت پاکستان چہ ما چے سک باز تاگتور انت گڑا اے ھساب ءَ بچار ئے گڑا مارا پاکستان ءِ گون ءَ ھم جنگ کنگی نہ انت پرچا کہ ما نزوریں.
منی دومی جست اش انت باز جاھاں باز مردم ھمے گپ ءَ کنگ ءَ انت شما بزاں شمے گل (بی ایل ایپ) یا شمے نوک ٹھینتگیں اتھاد (براس) ایران ءِ پراکسی انت بازیں رنداں دری دنیا اوں ھمے گپ کتگ کہ بلوچستان ءِ آجوئی لوٹوکیں لھتیں گل ایران ءِ پراکسی انت بلے مُردنی من ءَ داں ھدے ءَ باور نہ بوتگ انچو اشکتگ شما پہ ھمے ھاترا پہ روایرشتی بلوچستان ءَ پہ گپ نہ کن ات ایران ءِ گجراں بلوچانی سرا کرتگیں زلماں ھمے ھاترا ایر نہ جن ات کہ شما ایران ءِ پراکسی ات نہ زاناں اے گپانی تہ ءَ چنچو راستی ھست اے گپاں تو وتی زبان ءَ بہ گش ئے بہ گیشین ئے جوان تر انت درستیں راست ءُ دروگ پدر بنت
منی جست باز انت بلے انوں جست ھمیش انت اگاں تو من ءَ اے جستانی پسہ ءِ دیگ ءِ لائک سمج ءِ منی جستانی پسہ ءَ دے ئے من باز وش باں گُلیں بلوچ راج ھم سرپد بیت شمے لوٹ ءُ موقف چی انت
تئی پسھانی وداریگ
تئی کستر: شئے اَبیر
