نبشتہ کار: ھدا وشک ءُ مھمد پاروک بلوچ
ھمگام بلوچی
سیمی بھر
جنگی اُرُش ءُ ھکل: ماں گْوریلہ جنگ ءَ ھر وڑیں اُرُش روا اَنت کہ چہ ھمے اُرُشاں دژمن ءَ گیشتر تُرس ءُ زیانی بنت۔ گُڑا ایشی لاپ ءَ بازیں دروشماں ھبکّھیں ھَکلیں اُرُش ھست انت انچوشکہ دگ ءُ شھدگاں درآمدیگی زورانسریں لشکر ءِ جنگی ءُ راشن ءِ پُجّائینگ ءِ کاروانان ءُ بُنجلانی سر ءَ اُرُش کنگ، پہ دژمن ءَ زَر زیانی یا اِکونومک لاز دیگ ءِ ھاتر ءَ دژمن ءِ اڈکتگیں ھر وڑیں انسٹالیشن ءُ سٹرکچرانی، ھاسکن زر کمائینگ ءِ ترامگیجانی تباہ کنگ باز زلوری انت کہ زورانسریں دژمن ءَ زیردستی مُھکم کنگ گِران ءَ کپ ایت۔ چیرجنگول گوں گْوارچی گُداں دژمن ءِ بُنجلانی سر ءَ اُرُش کن انت ءُ دژمن ءِ جنگی سِلاھاں پُل انت ءُ رند ءَ ھمے سِلاھاں دژمن ءِ بگیری ءَ کارمرز بہ کن انت بزاں گوں بے گمان ءُ اناگاھیں اُرشاں دژمن ءَ ژند ءُ پند کن کہ دژمن ءِ تہ ءَ مُدام بیمے ودی بیت۔ وتکُشیں اُرُشانی یک جُتائیں گلے ٹھینگ سک زلوری انت کہ دژمن ءَ بیگری سک باز ارزِشتیں شست (ھائی ویلو ٹارگٹ) پیلو بہ بنت۔
ھمے داب ءَ راجی کاسگ چٹّ ءُ گدارانی سر ءَ ھم اُرُش برجاہ دارگ سَک زلوری اِنت کہ مستریں دژمن تئی جِند ءِ راجی گدار انت کہ یک درآمدیگیں دژمن ءَ تئی سرڈگار ءَ سوھو کن انت ءُ پہ کاسگ چٹّی ءَ تئی دژمن ءَ چاگِردی ءِ بابت ءَ سرپدی ءُ تئی جنگی مراسا ءُ شَورانی ڈاہ ءُ ھال ءُ اھوالاں تئی دژمن ءَ سر کن انت۔
چی ءَ کہ یک دگریں راجے ءِ لشکر ھما تئی زبان ءِ بارو ءَ ھچ چیزے نہ زانت چون تئی دمگ ءُ کوھاں سوھو بیت بزاں درآمدیگیں زورانسر چہ تئی راجی گداراں کُمک لوٹ ایت ءُ ترا کُش ایت پمیشکا پیسر ءَ گدارانی سر ءَ تُرسے ودی کنگ لوٹ ایت کہ دژمن ءَ کاسگ چٹّ ءُ گدارانی دارگ گِران کپ ایت بلکیں تئی راج ءِ تہ ءَ کاسگ چٹّ دژمن ءِ کُمک ءَ مہ رو انت۔
ھبکّہ ءُ چیرڈاھی: ماں چیرجنگ ءَ زورانسریں دژمن باید انت تئی ھند ءُ بُنجل ءِ بارو ءَ ھچبر سھیگ مہ بیت بلے تو آئی ءِ ھر ھند ءُ بُنجل ءَ وَ سھیگ بِہ بَہ ئے پمیشکا دژمن ءِ سر ءَ ھبکّھیں اُرُشانی کنگ ءَ آئی ءِ کِرّ ءُ کشاں وتی راجی دوزواھیں سنگتانی چیرڈاھواں بہ دار کہ دژمن ءِ جنگی تیاری ءِ بارو ءَ چیرجنگولاں وھد ءِ سر ءَ ڈاہ بہ رس ایت۔
اگاں تئی جریدہ کتگیں اُرُشانی مراسا ءِ ھال پاشک بوت انت گُڑا چیرجنگول وتی اُرُش ءَ زیت بدل کن اَنت۔ چوناھیگا چہ ھمے راج ءِ دوزواھیں چیرڈاھوانی ڈاہ دیگ ءَ چیرجنگولاں سما بیت کہ راجی چیرجنگ ءِ گل ءِ لاپ ءَ گدار مان اَنت یا اِنّاں۔ پمیشکا پہ دژمن اندری ھال ءُ اھوال، دژمن ءِ جنگی مراسانی بارو ءَ زانگ ءُ دژمن ءِ سِرسُر ءِ ھالانی درگیجگ ءَ چیرڈاھی سک زلوری انت کہ تو دژمن ءِ سر ءَ ایمنی ءَ ھبکھیں اُرُشاں کن ئے۔ چوناھیگا اگاں زیردستیں راج ءِ لس مھلوک ءِ تہ راجی گلامی ءِ مارشت ھست انت گُڑا چیرجنگولاں چیرڈاھی برجاہ دارگ ءُ دژمن ءِ سر ءَ ھبکھیں اُرشانی کنگ سَک آسان بیت ءُ چریشی ءَ دژمن وتارا وت درآمدیگییں زان ایت ءُ زیت پروش وارت۔
روان اِنت۔۔۔۔
