کویت سٹی( ہمگام نیوز) مانیٹرنگ نیوز ڈیسک رپورٹس کے مطابق خلیجی ممالک کی فہرست میں کویت کو دوسرے نمبر پر امیر ترین ملک قرار دیا گیا ہے۔
خلیجی ممالک میں قطر پہلے جبکہ کویت دوسرا امیر ترین ملک ہے
سوئس کریڈٹ کی جانب سے جاری کردہ سال 2021 کی گلوبل ویلتھ رپورٹ کے مطابق کویت قطر کے بعد 2020 کے آخر تک اوسط فی کس دولت کے لحاظ سے دوسرا امیر ترین خلیجی ملک ہے۔
کویت کی اوسط دولت سال 2000 میں 62،064 ڈالر سے 2020 تک 129،890 ڈالر تک تجاوز کرگئی، جو دو دہائیوں میں 109.3 فی صد اضافہ ہے۔
کویت میں کل دولت 409 بلین ڈالر ہے جو 2020 میں دنیا کی کل دولت کا.1 فی صد ہے، اور فی کس GDP 34،339 ہے۔
زرائع کے مطابق قطر خلیجی خطے میں پہلے نمبر پر ہے، جس کی اوسط فی کس دولت 146،730 ڈالر ہے اور کل دولت 352 ارب ڈالر ہے۔
تیسرے نمبر پر متحدہ عرب امارات ہے جس کی اوسط دولت 115،476 ڈالر ہے اور کل دولت 930 بلین ڈالر ہے۔
بحرین چوتھے نمبر پر ہے جس کی فی کس دولت 87،559 ڈالر ہے اور کل دولت 115 بلین ڈالر ہے۔
سعودی عرب 68،697 ڈالر کی فی کس دولت اور 1.662 ٹریلین ڈالر کی مجموعی دولت کے ساتھ پانچویں نمبر پر آیا ہے۔
چھٹے نمبر پر عمان ہے جس کی فی کس دولت 39،433 ڈالر اور مجموعی طور پر 148 بلین ڈالر ہے۔
تقریبا 674،000 ڈالر کی اوسط فی کس دولت کے ساتھ سوئزرلینڈ کو کریڈٹ سوئس نے دنیا کا امیر ترین ملک قرار دیا ہے، جب کہ امریکا 505،420 ڈالر کی اوسط فی کس دولت کے ساتھ دوسرے نمبر پر ہے۔
