بمپور (ہمگام نیوز) اطلاع کے مطابق، گزشتہ روز 13 نومبر 2026 بروز جمعہ کی شب ایرانی مقبوضہ بلوچستان کے شہر بمپور کے علاقے خیرآباد میں نامعلوم افراد کے تیز دھار آلے سے حملے کے نتیجے میں ایک بلوچ نوجوان جاں بحق ہوگیا۔ حملہ آوروں نے نوجوان کے جسم کے مختلف حصوں پر متعدد وار کیے، جس کے باعث وہ زخموں کی تاب نہ لاتے ہوئے دم توڑ گیا۔
تصدیق شدہ معلومات کے مطابق، جاں بحق ہونے والے نوجوان کی شناخت تقریباً 20 سالہ جواد رودینی (زین الدینی) ولد نواب کے نام سے ہوئی ہے، جو بمپور کے علاقے خیرآباد کا رہائشی تھا۔
ذرائع کے مطابق، واقعے سے قبل جواد نے کچھ ایسے افراد کو شور شرابہ کرنے سے منع کیا تھا جو موٹرسائیکلوں پر سوار ہو کر غیر معمولی آوازیں نکالتے اور علاقے کے رہائشیوں کے لیے پریشانی اور اذیت کا باعث بن رہے تھے۔
ذرائع کا کہنا ہے کہ جواد کی جانب سے منع کیے جانے کے چند ہی منٹ بعد مذکورہ افراد نے اس پر حملہ کر دیا اور تیز دھار آلے سے جسم کے مختلف حصوں پر متعدد وار کیے، جس کے نتیجے میں وہ جان کی بازی ہار گیا۔
رپورٹ مرتب کیے جانے تک حملہ آوروں کی شناخت، واقعے کی مزید تفصیلات اور پولیس و عدالتی حکام کی جانب سے اس قتل کی تحقیقات اور ملزمان کے خلاف کارروائی کے حوالے سے کوئی معلومات سامنے نہیں آئ
ی ہیں۔
