بیروت:(ہمگام نیوز) رائٹرز کے مطابق ہفتے کے روز ایک جنوبی لبنان کے سرحدی شہر رمیش کے قریب ایک حملے میں اقوام متحدہ کے مبصرین کو لے جانے والی ایک گاڑی کو نشانہ بنایا جس میں متعدد مبصرین زخمی ہو گئے۔
اسرائیلی فوج کے ترجمان افیخائی ادرعی نے اس بات کی تردید کی کہ اسرائیلی افواج نے جنوبی لبنان میں اقوامِ متحدہ کے امن مشن سے تعلق رکھنے والی گاڑی کو نشانہ بنایا۔ یونیفل یا اقوامِ متحدہ کے تکنیکی مبصر مشن یو این ٹی ایس او کی جانب سے فوری طور پر کوئی تبصرہ نہیں کیا گیا۔
سکیورٹی ذرائع میں سے ایک نے بتایا کہ کار میں اقوامِ متحدہ کے تین تکنیکی مبصر اور ایک لبنانی مترجم سوار تھا۔ اس ذریعے اور ایک دوسرے سکیورٹی ذریعے نے کہا کہ اسرائیلی حملے میں کار میں سوار کئی افراد زخمی ہوئے تھے۔
اسرائیل غزہ جنگ کے متوازی تقریباً چھ ماہ سے جنوبی لبنان میں لبنانی مسلح گروپ حزب اللہ کے ساتھ فائرنگ کا تبادلہ کر رہا ہے۔
لبنان پر اسرائیل کی گولہ باری سے حزب اللہ کے تقریباً 270 لوگ لیکن 50 کے قریب شہری بھی مارے گئے ہیں – جن میں بچے، طبیب اور صحافی بھی شامل ہیں – اور اس نے یونی فل اور لبنانی فوج دونوں کو نشانہ بنایا۔
نومبر میں یونی فل نے کہا تھا کہ اس کا ایک گشت جنوبی لبنان میں اسرائیلی گولیوں کی زد میں آیا جس میں کوئی جانی نقصان نہیں ہوا۔
یونی فل نے گذشتہ ماہ کہا کہ اسرائیلی فوج نے واضح طور پر قابلِ شناخت صحافیوں کے ایک گروپ پر فائرنگ کر کے بین الاقوامی قوانین کی خلاف ورزی کی جس سے رائٹرز کا ایک صحافی ہلاک ہوگی۔
