دبئی: (ہمگام نیوز) متحدہ عرب امارات کے نائب صدر، وزیر اعظم اور دبئی کے حکمران عزت مآب شیخ محمد بن راشد المکتوم نے اپنے ایک جاری کردہ بیان میں کہا ہے کہ دبئی آج دنیا کا مرکز اور انسانیت کے لئے ایک مشترکہ نقطہ ہے۔
امارات گروپ کے سینئر حکام سے ملاقات کے دوران شیخ محمد نے کہا کہ دبئی براعظموں اور دنیا کی تہذیبوں کے درمیان ایک اہم لنک بن چکا ہے۔
یہ ملاقات دبئی کے نائب حکمران اور متحدہ عرب امارات کے نائب وزیر اعظم اور وزیر خزانہ شیخ مکتوم بن محمد بن راشد المکتوم اور دبئی سول ایوی ایشن اتھارٹی کے صدر اور امارات ایئرلائن اور گروپ کے چیئرمین اور چیف ایگزیکٹو شیخ احمد بن سعید المکتوم کی موجودگی میں ہوئی۔
چار دہائیاں قبل دبئی میں ایک ایئر لائن کے قیام کے آغاز پر روشنی ڈالتے ہوئے شیخ محمد نے اسے محض ایک خواب قرار دیا جسے شکوک و شبہات رکھنے والوں نے چیلنج کیا تھا اور اسے متعدد رکاوٹوں کا سامنا کرنا پڑا تھا۔
