چابہار(ہمگام نیوز ) ایرانی مقبوضہ بلوچستان کے شہر چابہار میں قابض ایرانی انٹیلی جنس کے اہلکاروں نے ایک بلوچ شہری کو گرفتار کرکے نامعلوم مقام پر منتقل کردیا۔ اہل خانہ کو چار روز تک اپنے بیٹے کے بارے میں کوئی اطلاع نہ ملنے اور مسلسل تلاش کے بعد اس کی گرفتاری کا علم ہوا۔
تفصیلات کے مطابق، بدھ کی شب 14 اکتوبر 2026 کو چابہار میں محکمہ انٹیلی جنس کے اہلکاروں نے ایک بلوچ شہری کو حراست میں لیا۔
رپورٹ کے مطابق، گرفتار شہری کی شناخت 27 سالہ امین قدوسیان ولد عصا کے نام سے ہوئی ہے، وہ شادی شدہ اور دو بچوں کے والد ہیں، جبکہ ان کا تعلق ضلع راسک کے گاؤں شکر جنگل سے ہے۔
ذرائع کے مطابق، امین روزگار کے سلسلے میں چابہار میں مقیم تھے۔ وہ مکان خریدنے کے سلسلے میں اپنے مالکِ کار کی موٹر سائیکل لے کر باہر گئے تھے، جس کے بعد ان کے بارے میں کوئی اطلاع نہیں ملی۔
ذرائع نے بتایا کہ چار روز تک مسلسل تلاش اور پیروی کے بعد، اتوار 18 اکتوبر 2026 کو ان کے اہل خانہ اور قریبی رشتہ دار پولیس اسٹیشن پہنچے، جہاں حکام نے انہیں بتایا کہ امین کو محکمہ انٹیلی جنس کے اہلکاروں نے گرفتار کیا ہے۔
رپورٹ کی تیاری تک ان پر عائد ممکنہ الزامات، گرفتاری کے حالات اور زیرِ حراست رکھنے کے مقام کے بارے میں کوئی معلومات سامنے نہیں آئی
تھیں۔
