ڈیرہ بگٹی( ہمگام نیوز )مقبوضہ بلوچستان میں جبری گمشدگیوں کا سلسلہ بدستور جاری، علاقائی ذرائع کے مطابق گذشتہ شب طاہر ولد شادمان بگٹی کو قابض ایف سی نے گھر میں چھاپہ مار کر جبری لاپتہ کردیا ، جبکہ ریاض ولد محمد بخش بگٹی کو ڈیرہ بگٹی کے مین بازار سے پاکستانی فورسز نے حراست میں لے کر لاپتہ کر دیا ۔
اس طرح ڈیرہ بگٹی شہر میں ایک گھر پر فورسز نے چھاپہ مار کر رضا محمد ولد محمود بگٹی اور ڈیرہ بگٹی میں جانی خان بگٹی کے گھر پر چھاپہ مار کر ان کے بیٹے علی خان بگٹی کو کر دیا گیا۔
ادھر سوئی سے ایک دکاندار عارف ولد مٹھو بگٹی کو پاکستانی فورسز نے ان کی دکان سے اغوا کرنے کے بعد شدید تشدد کا نشانہ بنا کر نامعلوم مقام پر منتقل کر دیا ہے ۔
دریں اثنا سوئی کے تحصیل بازار کے جتھ ہوٹل سے انور ولد ریحان بگٹی کو سی ٹی ڈی کے اہلکاروں نے غیر قانونی حراست میں لے کر جبری لاپتہ کردیا ہے۔
