لورلائی میں پیش آنے والے روڑ حادثے میں 3 افراد جاں بحق، 6 زخمی
لورلائی (ہمگام نیوز) اطلاعات کے مطابق مقبوضہ بلوچستان کے لورلائی میں بس اور گاڑی کے درمیان ہونے والے تصادم میں 3 افراد جاں بحق جبکہ 6 افراد زخمی ہوگئے۔
تفصیلات کے مطابق گزشتہ روز لورلائی میں ڈی جی خان روڑ پر تحصیل میختر کے علاقے طورہ تھانہ کے قریب کوچ اور گاڑی کے درمیان ہونے والے تصادم کے نتیجے میں لیویز دفعہ دار عارف لونی، سرباز خان شمیزئی لونی، اور عمران جان موقع پر ہی جاں بحق ہوگئے جبکہ کوچ الٹنے کے سبب 6 مسافر معمولی زخمی ہوگئے، لیویز نے لاشوں اور زخمیوں کو ہسپتال منتقل کردیا جہاں ضروری کاروائی کے بعد لاشیں ورثاء کے حوالے کردی گئیں۔
