زاہدان(ہمگام نیوز ) اطلاعات کے مطابق بروز ہفتہ کو زاہدان میں کاربن مونو آکسائیڈ کے زہر سے دو افراد ہلاک ہوئے ۔ رپورٹ کے مطابق ایمرجنسی سنٹر کو ہفتے کی صبح آٹھ بجے زہریلی گیس کی اطلاع دی گئی لیکن ایمرجنسی پہنچنے سے پہلے ہی دو افراد دم توڑ چکے تھے۔
زہریلی گیس سے ہلاک ہونے والے افراد کی صحیح تعداد اور ہلاک ہونے والوں کی شناخت اور حادثے کے ممکنہ زہر کے بارے میں اطلاع موصول ہونے تک معلومات دستیاب نہیں ہیں۔
واضح رہے کہ بہت سے بلوچ شہری سردی کے موسم میں مالی استطاعت کی کمی اور غیر معیاری حرارتی آلات کے استعمال کی وجہ سے زہریلی لیکیج گیس کا شکار ہو جاتے ہیں۔
