لندن: (ھمگام نیوز) پری بلوچستان مومنٹ ءَ وتی شنگ کرتگیں درشان ءِ تہ ءَ گشتگ کہ ھمے پیم چیزے روچ ءَ پیسر پاکستان آمیدگیس ءَ، انوار الھک کاکڑ ءَ زورانسری آوارجتگیں نودبراناں ھکم داتگ ءُ آمیدگس ءَ لوٹائینتاں ءُ اے رنگ ءَ کہ راستی ءَ را چیردیگ ءِ کوشست کنگ بوت ءُ زور آوار جتگیں بلوچانی ھساب کم کنگ ءُ پنجا گُشگ بوت، اے ھبر وت یک مسکراھے۔
درشان ءِ تہ ءَ دیمتر ءَ گوشت ئے کہ گوستگیں مزنیں مدتے ءَ ھزارانی کساس ءَ بلوچ پسگاں آوار جنت ءُ پاکستانی آزار جاھاں بندیگ انت آ آزار دیگ بوھگ ءَ انت، اے رنگ ءَ راستی ءَ را چیر دیگ ءُ میان استمانی ھکانی گلاں رد دیگ ءَ نہ تھنا آوارجتگیں بلوچانی کساس کم گشگ بوت، اے پہ آوارجتگیں بلوچاں مسکراھے، زورگیپیں بلوچستان ءَ وتی زلم ءُ زوراکیانی چیر دیگ ءِ “پسیبک سیونگ” کنگ ءِ ھاترا بلوچ نودربراں گشگ بوت کہ آ اوگانستان ءَ شتگ انت یا ٹی ٹی پی ءَ ھوار بوتگ انت۔
یات بہ بیت سن دوھزار ءِ بندات ءَ گر دانکہ انوں داں بلوچ راجی جنز ءَ ھلاس کنگ ءِ زورگیریں پاکستان ءُ آئی چیریں ادارھاں ھزارارانی کساس بلوچ پسگ زورانسری آوار جتگ انت اے آوارجتگینانی تہ ءَ پیر ءُ ورنا، زھگ کُل ھوار انت۔
آمیدگس ءُ پاکستانی لشکر ءِ کمک ءَ چہ اتکگیں وتگڑیں سر وزیر بلوچ ءِ چکچینی ءُ بلوچستان ءِ سرا وتی زورگیری ءَ برجم دارگ ءِ ھاترا یک وڑ ءَ جیڑ انت ءُ کار کن انت۔
بلوچ ءِ چکچینی ءَ پاکستانی کمک ءَ ھوار لھتیں مرتگ بے ایمان پاکستان ءِ گورا بھا بنت یکے ءَ را نگران وزیر ءِ سیٹ ءِ سرا نادینگ بیت، یکے ءَ (انجنیئرڈ) کنگ ءُ پارلیمنٹ ءَ آرگ بیت دانکہ آ بلوچ چکچینی ءُ بلوچ سرڈگار ءِ سرا ھستیں مال ءُ مڈیاں لٹ ءُ پل ءَ ارزانی ودی بہ کن انت۔
درشان ءِ تہ ءَ دیمتر ءَ گُوشت ئے پاکستانی لشکر بلوچستان ءِ اندر ءَ زلم ءُ زوراکیاں دنیا ءِ چماں اندر ءِ کنگ ءِ ھاتر ءَ باڈہ ءَ زرتگیں مردماں دیم ءَ کار ایت دانکہ راستی ءَ چیر بہ دنت ءُ انسانی ھکانی ءِ بابت ءَ وتی بدیاں بہ پلگار ایت ءُ ساپ سلہ بہ کنت۔
بیان ءِ تہ ءَ دیمتر گوشت ئے بلوچ پاکستان ءِ سرجمیں ادارھاں ھوار پارلیمنٹ ءُ پوج ءَ اوں بلوچ راجی گلامی ءِ وسیلہ یے سرپد بیت، مارا اے گپ جوانی ءَ سما انت کہ پاکستانی ادارہ پہ بلوچ ءِ نپ ءُ پاھدگ ءَ پالیسی جوڑ نہ کن انت آ مدام پاکستان ءُ آئی پھریزگ ءَ پگرمند انت، ایدگہ ”غیرجانبداریں“ میانی ادارھانی گپ بستار دار انت کہ آ بیا انت بلوچستان ءَ وتی پٹ ءُ پول ءَ بہ کن انت دانکہ دنیا بزانت پاکستان کجام کچ ءُ کساس ءَ زلم ءُ زوراکی کنگ ءَ انت۔
پاکستان ادارھانی رد ءَ دنیا ءِ غیرجانبداریں ادارہ بلوچستان ءَ بیا انت آ دلجماں کہ آیاں اے راستی ءِ سما کپ ایت کہ پاکستان کجام کساس ءَ پنڈگ ءِ نام ءَ گیپتگیں زور ءُ سلاھاں بلوچ راجی جنز ءِ ھلاس کنگ پہ کارمرز کنگ ءَ انت، بلوچ ءَ گوں پاکستان ءِ سیادی زورگیری ئیگ انت ءُ اے زورگیری ءِ میان ءَ پاکستان بلوچانی سرا وتی زلم ءُ زوراکی ءَ داں بلوچ سرڈگار ءِ آجوئی ءَ برجم دار ایت۔
