کیچ (ہمگام نیوز) مقبوضہ بلوچستان کے علاقے مند میں آج ایک زوردار دھماکے کی آواز سنائی دی، جس کے بعد علاقے میں شدید خوف و ہراس پھیل گیا ہے۔
مقامی ذرائع کے مطابق، دھماکہ مند کے بلوچ آباد علاقے میں ہوا، جس کی آواز دور دراز علاقوں تک سنائی دی گئی۔
عینی شاہدین کے مطابق، دھماکے کے بعد قابض فوجیوں میں بھگدڑ مچ گئی اور صورتحال شدید کشیدہ ہو گئی۔ ذرائع کا کہنا ہے کہ یہ حملہ ممکنہ طور پر قابض پاکستانی فورسز کے خلاف کیا گیا ہے، جو کہ مقبوضہ بلوچستان میں ان کے خلاف جاری مزاحمتی کارروائیوں کا حصہ ہو سکتا ہے۔
تاحال کسی جانی یا مالی نقصان کی تفصیلات سامنے نہیں آئیں۔ قابض پاکستانی ذرائع کی جانب سے ابھی تک کوئی تصدیقی یا تردیدی بیان جاری نہیں کیا گیا ہے، تاہم علاقے میں تناؤ بڑھتا جا رہا ہے۔
یہ بات قابل ذکر ہے کہ مقبوضہ بلوچستان میں بلوچ آزادی پسندوں کی جانب سے پاکستانی قابض فورسز پر حملے معمول بن چکے ہیں، اور آج کا دھماکہ بھی اسی سلسلے کی کڑی ہو سکتا ہے۔
